യു.എസ് ഓപണിൽ തൻ്റെ 25ാം ഗ്രാൻഡ്സ്ലാം കിരീടമോഹവുമായെത്തിയ സെർബിയൻ വെറ്ററൻ താരമായ നൊവാക് ദ്യോകോവിച് ക്വർട്ടറിലെത്തി. 34 വർഷത്തിനിടെ യു.എസ്ഓപൺ പുരുഷ സിംഗിൾസിൽ ക്വർട്ടറിലെത്തുന്ന പ്രായംകൂടിയ താരമെന്ന ബഹുമതിയും 38 കാരനുമായ ദ്യോക്കോ സ്വന്തമാക്കി.
ജർമൻ താരമായ ജാൻ ലെനാർഡ്സ്ട്രഫിനെ പ്രീക്വാർട്ടറിൽ നേരിട്ടുള്ള സെറ്റുകൾക്ക് പരാജയപ്പെടുത്തുകയായിരുന്നു. സ്കോർ 6-3, 6-3, 6-2.
ലോക രണ്ടാം നമ്പർ താരവും സിൻസിനാറ്റി ഓപ്പൺ കിരീടവിജയിയുമായ സ്പാനിഷ് താരം കാർലോസ് അൽകാരസ്, ഫ്രാൻസിൻ്റെ ആർതർ റിൻഡെർനെച്ചിനെ (7-3),(6-3),(6-4) സ്കോറിന് പരാജയപ്പെടുത്തി ക്വാർട്ടറിൽ പ്രവേശിച്ചു.
