തൃശൂർ പോലീസ് സ്റ്റേഷൻ ക്വാർട്ടേഴ്സിൽ മോഷണം. 5 പവനും 50,000 രൂപയുമാണ് നഷ്ടപ്പെട്ടത്. കഴിഞ്ഞ തിങ്കളാഴ്ച രാവിലെ 11.30നും 3.30നും ഇടയിൽ ക്വാർട്ടേഴ്സിൽ പകൽ സമയത്ത് ആരും ഇല്ലാതിരുന്ന സമയത്തായിരുന്നു സംഭവം. വീട്ടുകാർ വൈകിട്ട് എത്തിയപ്പോഴാണു മോഷണ വിവരം അറിയുന്നത്.
ക്വാർട്ടേഴ്സ് വാതിലിന്റെ പൂട്ടു തകർത്ത് അകത്തു കടന്ന മോഷ്ടാക്കൾ പൂട്ടിയിട്ടിരുന്ന മുറിയുടെ അലമാരയുടെ ലോക്കറും തകർത്താണു മോഷണം നടത്തിയിട്ടുള്ളത്. അടുത്തുള്ള ക്വാർട്ടേഴ്സിൽ ആളുകൾ ഉണ്ടായിരുന്നെങ്കിലും സംഭവം ആരുടെയും ശ്രദ്ധയിൽപെട്ടിരുന്നില്ല. പോലീസും ഫിംഗർപ്രിന്റ് ഉദ്യോഗസ്ഥരും സ്ഥലത്തെത്തി അന്വേഷണം ആരംഭിച്ചു.
