249 കായിക താരങ്ങൾക്ക് വിവിധ വകുപ്പുകളിൽ നിയമനം നൽകി സർക്കാർ

വിവിധ വകുപ്പുകളിൽ 249 കായിക താരങ്ങൾക്ക് നിയമനം നൽകി സർക്കാർ ഉത്തരവിറക്കി. വിവിധ തസ്തികകളിൽ നിയമിക്കുന്നതിനാണ് അനുമതി. മന്ത്രിസഭാ യോഗത്തിലാണ് തീരുമാനം. 2015-2019 വർഷങ്ങളിലെ സ്പോർട്‌സ് ക്വാട്ട നിയമനത്തിനായുള്ള സെലക്ട് ലിസ്റ്റിൽ നിന്നുമാണ് 249 കായിക താരങ്ങളെ നിയമിക്കുന്നത്. 2018 ലെ ഏഷ്യൻ ഗെയിംസിൽ മെഡൽ നേടിയ അഞ്ച് പേർക്ക് പൊതു വിദ്യാഭ്യാസ വകുപ്പിൽ അസിസ്റ്റന്റ് സ്പോർട്‌സ് ഓർഗനൈസറായി നിയമനം നൽകിയിട്ടുണ്ട്. ഈ സാഹചര്യത്തിൽ 2020 മുതൽ 2024 വരെയുള്ള 250 ഒഴിവുകളിലേക്ക് വിജ്ഞാപനം പുറപ്പെടുവിക്കുമ്പോൾ 5 ഒഴിവുകൾ കുറയ്ക്കും.