പി.വി.അൻവർ പ്രതിപക്ഷ നേതാവ് വി.ഡി. സതീശനുമായി ചർച്ച നടത്തി

പ്രതിപക്ഷ നേതാവ് വി.ഡി. സതീശനുമായി മുൻ നിലമ്പൂർ എംഎൽഎ പി.വി.അൻവർ ചർച്ച നടത്തി. പ്രതിപക്ഷ നേതാവ് നയിക്കുന്ന മലയോര ജാഥയിൽ സഹകരിപ്പിക്കണമെന്ന് മാനന്തവാടിയിൽ വച്ച് നടത്തിയ ചർച്ചയിൽ അൻവർ ആവശ്യപ്പെട്ടു. എന്നാൽ പ്രതിപക്ഷ നേതാവിൻ്റെ മറുപടി യു ഡി എഫിൽ ചർച്ച ചെയ്‌ത്‌ തീരുമാനം അറിയിക്കാമെന്നായിരുന്നു . യാത്ര മലപ്പുറത്തേക്ക് എത്താനിരിക്കെയാണ് ഇരുവരും തമ്മിലുള്ള കൂടിക്കാഴ്ച നടന്നത്. അതേസമയം അൻവറിനെ യാത്രയിൽ സഹകരിപ്പിക്കുന്നതിൽ ബുധനാഴ്ച‌ തീരുമാനം ഉണ്ടായേക്കും. ഉന്നത പോലീസ് ഉദ്യോഗസ്ഥർക്കും മുഖ്യമന്ത്രിക്കുമെതിരെ ആരോപണം ഉന്നയിച്ച് എൽഡിഎഫിൽ നിന്ന് പുറത്തുവന്ന അൻവർ പിന്നീട് എം എൽ എ സ്ഥാനം രാജിവെച്ചിരുന്നു. അൻവർ തൃണമൂൽ കോൺഗ്രസിൽ ചേർന്നതിനാൽ യുഡിഎഫുമായി സഹകരിക്കാനുള്ള നീക്കത്തിലാണ്.