പറമ്പിലെ ജോലിക്കിടയിൽ തേനീച്ചയുടെ ആക്രമണത്തിൽ പരിക്കേറ്റ് ചികിത്സയിലിരുന്ന വയോധികൻ മരിച്ചു

കണ്ണൂരിൽ തേനീച്ചയുടെ കുത്തേറ്റ് ഗുരുതരമായി പരിക്കേറ്റ വയോധികൻ മരിച്ചു. കണിച്ചാർ സ്വദേശി ഗോപാലകൃഷ്‌ണൻ ആണ് മരിച്ചത്. ഇന്നലെ ഉച്ചക്കാണ് തേനീച്ചയുടെ ആക്രമണത്തിൽ 73 വയസുള്ള ഗോപാലകൃഷ്‌ണന് ഗുരുതരമായി പരിക്കേറ്റത്. വീട്ടിലെ പറമ്പിൽ ജോലിക്കിടെയാണ് തേനീച്ചയുടെ ആക്രമണമുണ്ടായത്. ഉടൻ തന്നെ കണ്ണൂരിലെ ആശുപത്രിയിലെത്തിച്ചെങ്കിലും ചികിത്സയിലിരിക്കേ ഇന്ന് ഉച്ചയോടെ മരണപ്പെടുകയായിരുന്നു. കൂടെ ജോലി ചെയ്തിരുന്ന 5 പേർക്കും തേനീച്ചയുടെ ആക്രമണത്തിൽ പരിക്കേറ്റിരുന്നു. അവർക്ക് വലിയ പരിക്കുകൾ ഇല്ല.