സമൂഹ മാധ്യമത്തിലൂടെ നടിമാരെ ആക്ഷേപിച്ചു; യുട്യൂബർ ‘ആറാട്ടണ്ണൻ’ അറസ്റ്റിൽ

സമൂഹ മാധ്യമത്തിലൂടെ നടിമാരെ ആക്ഷേപിച്ചെന്ന പരാതിയിൽ യുട്യൂബർ സന്തോഷ് വർക്കി അറസ്‌റ്റിൽ. നടി ഉഷാ ഹസീനയുടെ പരാതിയിലാണ് ആറാട്ടണ്ണൻ എന്ന പേരിൽ അറിയപ്പെടുന്ന ഇയാളെ എറണാകുളം നോർത്ത് പൊലീസ് അറസ്റ്റ് ചെയ്‌തത്. നടിമാർക്കെതിരെ അശ്ലീല പരാമർശം നടത്തിയെന്ന് ചലച്ചിത്ര പ്രവർത്തകരായ നടി ഉഷ ഹസീന, കുക്കു പരമേശ്വർ, ഭാഗ്യലക്ഷ്മി എന്നിവർ ഇയാൾക്കെതിരെ പരാതി നൽകിയിരുന്നു. സ്ത്രീത്വത്തെ അപമാനിക്കുന്നതാണ് സന്തോഷിൻ്റെ പരാമർശങ്ങൾ എന്നും 40 വർഷമായി സിനിമ മേഖലയിൽ പ്രവർത്തിക്കുന്ന തന്നെ അതു വേദനിപ്പിച്ചെന്നും, കർശന നടപടി സ്വീകരിക്കണമെന്നും ഉഷ ഹസീന ആലപ്പുഴ ഡിവൈഎസ്‌പിക്ക് നൽകിയ പരാതിയിൽ ആവശ്യപ്പെട്ടു.