ന്യൂസിലന്ഡിനെതിരായ ഏകദിന പരമ്പരക്കുള്ള ഇന്ത്യന് ടീമിനെ ശുഭ്മാന് ഗില് നയിക്കും. പരിക്കേറ്റ് പുറത്തായ ശ്രേയസ് അയ്യര് വൈസ് ക്യാപ്റ്റനായി തിരിച്ചെത്തിയപ്പോള് ആഭ്യന്തര ക്രിക്കറ്റില് കളിച്ച് ഫോമും ഫിറ്റ്നസ്സ് തെളിയിച്ചിട്ടും പേസര് മുഹമ്മദ് ഷമിയെ ഒരിക്കല് കൂടി സെലക്ടർമാർ തഴഞ്ഞു. ശ്രേയസിനെ ഫിറ്റ്നെസ് പരിശോധനകള്ക്ക് വിധേയമായിട്ടായിരിക്കും ടീമിലുൾപ്പെടുത്തുക. രണ്ടാം വിക്കറ്റ് കീപ്പറായി റിഷഭ് പന്തും ടീമിലെത്തി. മുഹമ്മദ് സിറാജ്, ഹര്ഷിത് റാണ, പ്രസിദ് കൃഷ്ണ, അര്ഷ്ദീപ് സിംഗ് എന്നിവര്ക്കൊപ്പം പേസ് ഓള് റൗണ്ടറായ നിതീഷ് കുമാര് റെഡ്ഡിയും ടീമിലിടം നേടി.
വിരാട് കോലിയും രോഹിത് ശര്മയും ഏകദിന ടീമില് തിരിച്ചെത്തിയപ്പോള് റിസര്വ് ഓപ്പണറായി യശസ്വി ജയ്സ്വാളിനെ ടീമില് നിലനിര്ത്തി. രവീന്ദ്ര ജഡേജ, കുല്ദീപ് യാദവ്, വാഷിംഗ്ടണ് സുന്ദര് എന്നിവരാണ് ടീമിലെ സ്പിന്നര്മാര്.
