നഴ്സുമാരുടെ സമരം പിൻവലിച്ചു; ചർച്ചയ്ക്കു തയാറാകാൻ ഹൈക്കോടതി നിർദേശിച്ചു

സം​സ്ഥാ​ന​ത്തെ സ്വ​കാ​ര്യ ആ​ശു​പ​ത്രി ന​ഴ്‌​സു​മാ​ർ ന​ട​ത്തി​വ​ന്ന സ​മ​രം പിൻ‌വലിക്കുന്നു. സമരം നിർത്തി ചർച്ചയ്ക്കു തയാറാകാൻ ഹൈക്കോടതി നിർദേശിച്ചു. ന​ഴ്സു​മാ​രും ആ​ശു​പ​ത്രി മാ​നേ​ജ്‌​മെ​ന്‍റു​ക​ളും ത​മ്മി​ലു​ള്ള ച​ർ​ച്ച​ക​ൾ ഹൈ​ക്കോ​ട​തി മീ​ഡി​യേ​ഷ​ൻ സെ​ന്‍റ​റി​ൽ നി​ന്നു നി​യോ​ഗി​ക്കു​ന്ന മ​ധ്യ​സ്ഥ​ന്‍റെ മേ​ൽ​നോ​ട്ട​ത്തി​ൽ ന​ട​ക്കും. ശമ്പ​ള വ​ർ​ധ​ന​ ഉ​ൾ​പ്പെ​ടെ​യു​ള്ള ആ​വ​ശ്യ​ങ്ങ​ളു​യ​ർ​ത്തിയാണ് സമരം.

ചൊ​വ്വാ​ഴ്ച രാവിലെ 10 മണിയോടെയാണ് ഹൈ​ക്കോ​ട​തി മീ​ഡി​യേ​ഷ​ൻ സെ​ന്‍റ​റിൽ ച​ർ​ച്ച ന​ട​ക്കു​ക. ച​ർ​ച്ച​യ്ക്കു പി​ന്നാ​ലെ വ്യാ​ഴാ​ഴ്ച ഹൈ​ക്കോ​ട​തി കേ​സ് വീ​ണ്ടും പ​രി​ഗ​ണി​ക്കും. ച​ർ​ച്ച പൂ​ർ​ത്തി​യാ​കും വ​രെ സ​മ​രം പാ​ടി​ല്ലെ​ന്നാ​ണ് നി​ർ​ദേ​ശം. ഇതോടെ നാളെ മുതൽ നഴ്സുമാർ ജോലിക്കു കയറും.

നഴ്സുമാരുടെ സമരത്തിനെതിരെ കേരള പ്രൈവറ്റ് ഹോസ്പിറ്റൽ അസോസിയേഷനാണ് ഹൈക്കോടതിയെ സമീപിച്ചത്. എന്നാൽ, കുറെ ആശുപത്രികൾ സമരക്കാരുമായി ധാരണയിലെത്തിയെന്ന് സമരക്കാർ അവകാശപ്പെടുന്നു. ​ബാ​ക്കി​യു​ള്ള സ്വകാര്യ ആ​ശു​പ​ത്രി​ക​ൾ കൂ​ടി ധാ​ര​ണ​യി​ലെ​ത്തി​യാ​ൽ മാ​ത്ര​മേ സ​മ​രം പൂ​ർ​ണ​മാ​യി അ​വ​സാ​നി​പ്പി​ക്കു​ക​യു​ള്ളൂ എ​ന്ന് ന​ഴ്‌​സു​മാ​ർ അ​റി​യി​ച്ചു.