നിപ സ്ഥിരീകരിച്ച പശ്ചാത്തലത്തിൽ കോഴിക്കോട് ജില്ലയിൽ പ്രതിരോധ പ്രവർത്തനങ്ങൾ ശക്തമാക്കി ആരോഗ്യവകുപ്പ്. നിലവിൽ 77 പേരുടെ സമ്പർക്കപ്പട്ടികയാണ് തയാറാക്കിയിട്ടുള്ളത്. സമ്പർക്കപ്പട്ടികയിലുള്ള ആർക്കും തന്നെ നിലവിൽ രോഗലക്ഷണങ്ങളില്ല. രോഗബാധിതനായ വ്യക്തി സഞ്ചരിച്ച വഴികൾ വ്യക്തമാക്കുന്ന റൂട്ട് മാപ്പ് ആരോഗ്യവകുപ്പ് ഉടൻ പുറത്തുവിടുമെന്ന് അറിയിച്ചിട്ടുണ്ട്.
14 പേർ രോഗിയുടെ കുടുംബാംഗങ്ങളും 58 പേർ ആരോഗ്യപ്രവർത്തകരുമാണ്. ഹൈ റിസ്ക് പട്ടികയിലുള്ള 11 പേരോട് നിലവിൽ കർശനമായ ഹോം ക്വാറന്‍റൈനിൽ പ്രവേശിക്കാൻ ആരോഗ്യവകുപ്പ് നിർദ്ദേശിച്ചിട്ടുണ്ട്.
