രജപുത്രാ വിഷ്യൽ മീഡിയായുടെ ബാനറിൽ എം.രഞ്ജിത്ത് നിർമ്മിച്ച് തരുൺ മൂർത്തി സംവിധാനം ചെയ്ത് മോഹൻലാൽ നായകനാവുന്ന ‘തുടരും’ എന്ന ചിത്രത്തിൻ്റെ റിലീസ് ഡേറ്റ് പ്രഖ്യാപിച്ചിരിക്കുന്നു. ഏപ്രിൽ 25നാണ് ഈ ചിത്രം ലോകമെമ്പാടും പ്രദർശനത്തിന് എത്തുന്നത്. മലയാളി പ്രേക്ഷകൻ്റെ എക്കാലത്തേയും ഇഷ്ട ജോഡികളായ മോഹൻലാലും – ശോഭനയും ഏറെ ഇടവേളക്കുശേഷം ഒത്തുചേരുന്നു എന്ന പ്രത്യേകതയുമുണ്ട് ചിത്രത്തിന്. കുടംബ ബന്ധങ്ങളുടെ കെട്ടുറപ്പും, അവൻ്റെ ജീവിത സ്വപ്നങ്ങളുമാണ് തികഞ്ഞ യാഥാർത്ഥ്യബോധത്തോടെ അവതരിപ്പിക്കുന്നത്. യഥാർത്ഥ ജീവിതത്തിൻ്റെ പച്ചയായ മുഹൂർത്തങ്ങൾ തികച്ചും റിയലിസ്റ്റിക്കായി അവതരിപ്പിക്കുകയാണ് ഈ ചിത്രത്തിലൂടെ.
100 ദിവസങ്ങൾക്കുമേൽ വലിയ മുതൽമുടക്കിൽ വ്യത്യസ്ഥമായ ലൊക്കേഷനുകളിലൂടെയാണ് ഈ ചിത്രത്തിൻ്റെ ചിത്രീകരണം പൂർത്തിയാക്കിയിരിക്കുന്നത്. ഫർഹാൻ ഫാസിൽ, മണിയൻപിള്ള രാജു, ബിനു പപ്പു, ഇർഷാദ് അലി, സംഗീത് കെ പ്രതാപ്, ആർഷ ബൈജു, റാണി ശരൺ, തോമസ് മാത്യു, ശ്രീജിത്ത് രവി, ജെയ്സ് മോൻ, ഷോബിതിലകൻ, ജി സുരേഷ്കുമാർ, ഷൈജോ അടിമാലി, കൃഷ്ണപ്രഭ, എന്നിവരും ചിത്രത്തിൽ പ്രധാന വേഷങ്ങളിലെത്തുന്നു.
തരുൺ മൂർത്തിയും, കെ.ആർ. സുനിലും ചേർന്നു കെ.ആർ. സുനിലിൻ്റെ കഥക്ക് തിരക്കഥ രചിച്ചിരിക്കുന്നു. സംഗീതം – ജേക്സ് ബിജോയ്, ഛായാഗ്രഹണം – ഷാജികുമാർ, എഡിറ്റിംഗ്-നിഷാദ് യൂസഫ്, ഷഫീഖ് വി. ബി, എക്സിക്യൂട്ടീവ് പ്രൊഡ്യൂസർ-അവന്തിക രഞ്ജിത്, കലാസംവിധാനം-ഗോകുൽ ദാസ്, മേക്കപ്പ് – പട്ടണം റഷീദ്, കോസ്റ്റ്യൂം ഡിസൈൻ-സമീരാ സനീഷ്, സൗണ്ട് ഡിസൈൻ – വിഷ്ണു ഗോവിന്ദ്, പ്രൊഡക്ഷൻ കൺട്രോളർ- ഡിക്സൻ പൊടുത്താസ്, വാഴൂർ ജോസ്.
