ചെറിയാൻ ഫിലിപ്പ് വിഷയത്തിൽ പ്രതികരണവുമായി മന്ത്രി ബിന്ദു കൃഷ്ണ രംഗത്ത്. ചെറിയാൻ ഫിലിപ്പ് എന്തെങ്കിലും ദുരുദ്ദേശത്തോടെയാണ് അങ്ങനെ പെരുമാറിയതെന്ന് താൻ വിശ്വസിക്കുന്നില്ലെന്നും തനിക്ക് അനൗചിത്യമെന്ന്‌ തോന്നിയത് കൊണ്ടാണ് അങ്ങനെ പ്രതികരിച്ചതെന്നും മന്ത്രി പറഞ്ഞു. പല ഘട്ടങ്ങളിലും സൈബർ അധിക്ഷേപങ്ങളും പരിഹാസങ്ങളും ഉണ്ടായിട്ടുണ്ടെന്നും സൈബർ അധിക്ഷേപങ്ങളെ താൻ മൈൻഡ് ചെയ്യാറില്ലെന്നും മന്ത്രി പറഞ്ഞു.
കോൺഗ്രസ് നിയമസഭാ കക്ഷി യോഗം ചേരുന്നതിനിടെയാണ് വിവാദമായ സംഭവമുണ്ടാകുന്നത്. ഇന്ദിരാഭവനിലെത്തിയ നിയുക്ത എംഎൽഎമാരെ കാണുന്നതിനിടെ ചെറിയാൻ ഫിലിപ്പ് ബിന്ദു കൃഷ്ണയെ ആലിംഗനം ചെയ്യാൻ ശ്രമിക്കുകയായിരുന്നു. എന്നാൽ അവർ മാറിനിൽക്കുകയും ആലിംഗനം ചെയ്യാൻ ശ്രമിച്ചപ്പോള്‍ അവർ തള്ളി മാറ്റുകയും ഹസ്തതദാനം നൽകുകയുമായിരുന്നു.
