ബസിൽ വെച്ച് 34,000 രൂപയടങ്ങിയ പേഴ്സ് മോഷ്ടിച്ച കേസിൽ തമിഴ്‌നാട് പൊള്ളാച്ചി സ്വദേശിനികളായ രാജേശ്വരി (30), മാരി (26) എന്നിവർ അറസ്റ്റിലായി. കഴിഞ്ഞ ദിവസം രാവിലെ തൃശൂർ കുട്ടനെല്ലൂരിൽ നിന്ന് കൊടകരയിലേക്ക് വരികയായിരുന്ന ബസിൽനിന്ന് പുത്തൂർ പുത്തൻകാട് സ്വദേശിനിയായ സ്ത്രീയുടെ പേഴ്സാണ് ഇവർ മോഷ്ടിച്ചത്. നിരവധി ക്രിമിനൽ കേസുകളിൽ പ്രതികളാണ് ഇരുവരും.
രാജേശ്വരി നാല് മോഷണക്കേസുകളിൽ പ്രതിയാണ്. മാരി അഞ്ച് മോഷണക്കേസുകളിലും പ്രതിയാണ്.
