കൊല്ലം ശക്തികുളങ്ങരയിൽ കണ്ടെയ്‌നർ നീക്കം ചെയ്യുന്നതിനിടെ തീപിടിത്തം

തീരത്തടിഞ്ഞ കണ്ടെയ്‌നർ നീക്കം ചെയ്യുന്നതിനിടെ തീപിടിത്തം. കൊല്ലം ശക്തികുളങ്ങരയിൽ കണ്ടെയ്‌നറിലെ തെർമോകോൾ കവചത്തിൽ നിന്നാണ് തീ പടർന്നത്. സുരക്ഷാനടപടിയുടെ ഭാഗമായി ഫയർ ഫോഴ്‌സ് സ്ഥലത്തുണ്ടായിരുന്നതിനാൽ തീ ഉടൻ നിയന്ത്രണ വിധേയമാക്കി. കൊച്ചിയിൽ മുങ്ങിയ കപ്പലിൽ നിന്നുള്ള ഒമ്പത് കണ്ടയ്‌നറുകളാണ് ശക്തികുളങ്ങരയിൽ തീരത്ത് അടിഞ്ഞത്. ഇവ നീക്കം ചെയ്യാനായുള്ള ശ്രമങ്ങൾക്കിടെയാണ് തീപിടിത്തമുണ്ടായത്. പ്രദേശത്ത് വലിയ രീതിയിൽ കറുത്ത പുക ഉയർന്നു. നിലവിൽ ആശങ്കപ്പെടേണ്ട സാ ഹചര്യമില്ലെന്ന് അധികൃതർ അറിയിച്ചു