ആരോഗ്യമന്ത്രി വീണാ ജോർജിനെ നിയമസഭാ തെരഞ്ഞെടുപ്പിൽ മത്സരിപ്പിക്കരുതെന്ന കുടുംബത്തിന്‍റെ ആവശ്യം സിപിഎം തള്ളി. ഇതോടെവീണാ ജോർജ് ആറന്മുളയിൽ മത്സരിക്കും എന്ന് ഉറപ്പായി. വീണാ ജോര്‍ജിന്‍റെ ഭര്‍ത്താവ് ജോർജ് ജോസഫ് ആണ് ആവശ്യം ഉന്നയിച്ചത്.
വീണാ ജോര്‍ജിന് മൂന്നാം തവണയും അവസരം നല്‍കാനാണ് സിപിഎം സംസ്ഥാന സെക്രട്ടറിയേറ്റിന്‍റെ തീരുമാനം. കുടുംബപരമായ കാര്യങ്ങളുണ്ടെന്ന് ചൂണ്ടിക്കാട്ടിയാണ് ഭർത്താവ് ജോർജ് ജോസഫ് സിപിഎമ്മിനെ സമീപിച്ചത്. സംസ്ഥാന, ജില്ലാ നേതാക്കളോടാണ് ജോർജ്, മത്സരിപ്പിക്കരുതെന്ന് ആവശ്യപ്പെട്ടത്.
