സിപിഎം ബാലരാമപുരം ലോക്കൽ കമ്മിറ്റി സെക്രട്ടറി ഐ.പി.ബിനുവിനെ പൊലീസ് റൗഡി ലിസ്റ്റിൽ ഉൾപ്പെടുത്തി. സമരങ്ങളുമായി ബന്ധപ്പെട്ട കേസുകൾക്കും ജാമ്യമില്ലാ കേസുകൾക്കും പുറമെ നാല് ക്രിമിനൽ കേസുകൾ കൂടി നിലവിലുള്ള സാഹചര്യത്തിലാണ് വഞ്ചിയൂർ പൊലീസിൻ്റെ നടപടി.

പേട്ടയിലെ വീട്ടിൽ പരിശോധനയ്‌ക്കെത്തിയ എൻഫോഴ്‌സ്‌മെന്റ് ഡയറക്ടറേറ്റ് (ഇ.ഡി) ഉദ്യോഗസ്ഥനെ ആക്രമിച്ച കേസിൽ ബിനു പ്രധാന പ്രതികളിലൊരാളാണ്. ബിജെപി സംസ്ഥാന കാര്യാലയം ആക്രമിച്ച കേസിലും അദ്ദേഹം വിചാരണ നേരിടുന്നുണ്ട്.

അതേസമയം, പൊലീസ് നടപടി രാഷ്ട്രീയപ്രേരിതമാണെന്നാണ് ഐ.പി.ബിനുവിൻ്റെ ആരോപണം. നടപടി രാഷ്ട്രീയ ലക്ഷ്യത്തോടെയാണെന്നും അദ്ദേഹം ആരോപിച്ചു.

Related Posts