സിപിഎം എറണാകുളം ജില്ലാ സെക്രട്ടറിയായി സി.എൻ. മോഹനൻ തുടരും

സിപിഎം എറണാകുളം ജില്ലാ സെക്രട്ടറിയായി സി.എൻ. മോഹനൻ തുടരും. 2018 ലാണ് സംസ്ഥാന കമ്മറ്റി അംഗമായ സി.എൻ. മോഹനൻ ആദ്യം ജില്ലാ സെക്രട്ടറിയായത്. കൊച്ചിയിൽ നടന്ന ജില്ലാ സമ്മേളനത്തിൽ 46 അംഗ ജില്ലാ കമ്മിറ്റിയെ തെരഞ്ഞെടുത്തു. 11 പേർ ഇതിൽ പുതുമുഖങ്ങളാണ്. കഴിഞ്ഞ കമ്മിറ്റിയിൽ ഉണ്ടായിരുന്ന പത്തു പേരെ ഒഴിവാക്കി. കെ.ജെ. മാക്സ്‌സി, സി. മണി, കെ.കെ. ഏലിയാസ്, സി.എൻ. സുന്ദരൻ, പി. വാസുദേവൻ, ടി.വി. നിധിൻ, കെ.എ. ജോയി, കെ.വി. മനോജ്, എ.ആർ. രഞ്ജിത്ത്, അനീഷ് എം. മാത്യു, ഷിജി ശിവജി എന്നിവരാണ് ജില്ലാ കമ്മിറ്റിയിലെ പുതുമുഖങ്ങൾ. പി.എസ്. ഷൈല, പുഷ്പാ ദാസ്, ടി.വി. അനിത, കെ. തുളസി, ഷിജി ശിവജി, എൻ.സി. ഉഷാകുമാരി എന്നീ ആറ് വനിതകളാണ് ജില്ലാ കമ്മിറ്റിയിൽ ഇടംപിടിച്ചത്.