ലേഖകന്‍: Bangalore Jalakam

ഓണത്തിന് വിതരണം ചെയ്യുന്ന ഭക്ഷ്യവസ്‌തുക്കളുടെ സുരക്ഷയും ഗുണനിലവാരവും ഉറപ്പാക്കാൻ ഭക്ഷ്യസുരക്ഷാവകുപ്പ് പരിശോധനകൾ ശക്തമാക്കും. എല്ലാ ജില്ലകളിലും അടുത്ത ആഴ്‌ചമുതൽ പ്രത്യേക സ്ക്വാഡ് രൂപവത്കരിച്ചാകും പരിശോധനകൾ നടക്കുക. പരിശോധന രാത്രികാലവുമുണ്ടാകും. കർശനപരിശോധന തട്ടുകടകൾ കേന്ദ്രീകരിച്ചും നടത്താൻ മന്ത്രി വീണാജോർജ് നിർദേശം നൽകി. പാൽ, പാലുത്പന്നങ്ങൾ, പായസമിശ്രിതം, ധാന്യങ്ങൾ, ഭക്ഷ്യ എണ്ണകൾ, നെയ്, ശർക്കര, പഴവർഗങ്ങൾ, പഴങ്ങൾ, പച്ചക്കറികൾ, വിവിധതരം ചിപ്‌സ് എന്നിവയാണ് പ്രധാനമായും പരിശോധിക്കുക. ഭക്ഷ്യസുരക്ഷാ അസിസ്റ്റന്‍റ് കമ്മിഷണർമാരുടെ നേതൃത്വത്തിലായിരിക്കും ജില്ല

പാലക്കാട് ജില്ലയിലെ കൊഴിഞ്ഞമ്പാറയിൽ യുവാവിനെ വീട്ടിൽ കയറി തല്ലികൊന്നു. കരംപൊറ്റ സ്വദേശിയായ സന്തോഷ് എന്നയാളാണ് കൊല്ലപ്പെട്ടത്. ഇന്നലെ രാത്രി പത്തുമണിയോടെയായിരുന്നു കൊലപാതകം. പ്രതിയെ കുറിച്ചുള്ള വ്യക്തമായ സൂചന ലഭിച്ചതായും ഇയാളെ പിടികൂടാനുള്ള തിരച്ചിൽ ഊർജിതമാക്കിയിട്ടുണ്ടെന്നുമാണ് പോലീസ് അറിയിച്ചിരിക്കുന്നത്. കൊലപാതകത്തിന് ശേഷം ആക്രമി കടന്നുകളഞ്ഞതായാണ് വിവരം.

വിവാഹവാഗ്‌ദാനം നൽകി യുവഡോക്‌ടറെ പീഡിപ്പിച്ചെന്ന കേസിൽ റാപ്പർ വേടൻ്റെ അറസ്റ്റ് ഹൈക്കോടതി തടഞ്ഞു. മുൻകൂർ ജാമ്യഹർജിയിൽ തീരുമാനമാകുംവരെ അറസ്റ്റ് പാടില്ലെന്നാണ് ജസ്റ്റിസ് ബെച്ചുകുര്യൻ ജോസഫിൻ്റെ നിർദേശം. വേടൻ സമർപ്പിച്ച ജാമ്യഹർജിയിൽ ബുധനാഴ്‌ചയും വാദംതുടരും. ഇന്ന് നടന്ന വാദത്തിൽ പരാതിക്കാരി വേടനെതിരേ ഗുരുതരമായ ആരോപണങ്ങൾ ആവർത്തിച്ചു. ജാമ്യഹർജിയിൽ വാദം നീണ്ട ഘട്ടത്തിലാണ് ഹർജിയിൽ തീരുമാനമാകും വരെ അറസ്റ്റ് പാടില്ലെന്ന് കോടതി നിർദേശം നൽകിയത്.

16കാരിയെ പീഡിപ്പിച്ച കേസിൽ ഡോക്ടർ അറസ്റ്റിൽ. തലശ്ശേരി റോഡിലുള്ള ആയുർവേദ ആശുപത്രിയിലെ ഡോക്ടറായ മാഹി സ്വദേശി മഠത്തിൽ വീട്ടിൽ ശ്രാവണിനെ (25) ആണ് പൊലീസ് അറസ്റ്റുചെയ്തത്. വിദ്യാർത്ഥിനിയുടെ പരാതിയെ തുടർന്നാണ് പൊലീസ് കസ്റ്റ‌ഡിയിലെടുത്തത്. അമ്മയ്‌ക്കൊപ്പം കഴിഞ്ഞമാസം ആശുപത്രിയിൽ എത്തിയപ്പോഴാണ് പ്രതി ലൈംഗികമായി തന്നെ പീഡിപ്പിച്ചെതെന്ന് പെൺകുട്ടി പരാതിയിൽ പറയുന്നു. ഇന്നലെയായിരുന്നു ഇതു സംബന്ധിച്ച വിവരങ്ങൾ പെൺകുട്ടി പൊലീസിന് കൈമാറിയത്.

ശബരിമലയില്‍ ചെരിപ്പിട്ട് കയറിയ പൊലീസുകാരനെ ഡ്യൂട്ടിയില്‍ നിന്ന് ഒഴിവാക്കി. ചിങ്ങമാസ പൂജയ്ക്ക് നട തുറന്നപ്പോള്‍ സോപാനത്തിന് സമീപം ചെരിപ്പിട്ട് പൊലീസുകാരന്‍ എത്തിയിരുന്നു.മഴ പെയ്തുകിടന്നതിനാല്‍ ചെരിപ്പുമായി ഓടി സന്നിധാനത്തേക്ക് കയറുകയായിരുന്നെന്നും, ചെരിപ്പ് അഴിച്ചുമാറ്റാന്‍ മറന്നുപോയെന്നുമാണ് പൊലീസുകാരൻ്റെ വിശദീകരണം. അയ്യപ്പഭക്തരില്‍ ഒരാള്‍ മൊബൈല്‍ഫോണില്‍ ചിത്രം എടുത്തതോടെയാണ് വിവരം പുറത്തറിഞ്ഞത്. തിരുവനന്തപുരം എസ്എപി ക്യാംപിലെ സിവില്‍ പൊലീസ് ഓഫീസര്‍ രാജേഷിനെയാണ് ക്യാപിലേക്ക് തിരിച്ചയച്ചത്. ശനിയാഴ്ച രാത്രി 8.45-നാണ് സംഭവം. അറിയാതെ പറ്റിയതാണെങ്കിലും പൊലീസ് ഈ

സംസ്ഥാനത്ത് അടുത്ത 5 ദിവസം മഴയ്ക്ക് സാദ്ധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു. വിവിധ ജില്ലകളിൽ മഞ്ഞ അലർട്ട് പ്രഖ്യാപിച്ചു. തൃശൂർ, പാലക്കാട്, കണ്ണൂർ, കാസർകോട്, മലപ്പുറം, ഇടുക്കി, എറണാകുളം, കോഴിക്കോട്, വയനാട് ജില്ലകളിൽ ഇന്ന് മഞ്ഞ അലർട്ട് ആണ്. ഒറ്റപ്പെട്ട ശക്തമായ മഴയ്ക്കുളള്ള സാദ്ധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറിൽ 64.5 മില്ലിമീറ്റർ മുതൽ 115.5 മില്ലിമീറ്റർ വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അർത്ഥമാക്കുന്നത്.