കണ്ണൂർ ഡെന്റൽ കോളേജ് വിദ്യാർത്ഥി നിതിൻ രാജ് ആത്മഹത്യ ചെയ്ത സംഭവത്തിൽ പ്രതികളായ അധ്യാപകരുടെ മുൻകൂർ ജാമ്യാപേക്ഷയിൽ തലശ്ശേരി സെഷൻസ് കോടതി ഇന്ന് വിധി പറയും. കേസിൽ കക്ഷി ചേർന്ന നിതിൻ രാജിൻ്റെ പിതാവിൻ്റെ വാദമുഖങ്ങൾ കൂടി കേട്ട ശേഷമായിരിക്കും കോടതി അന്തിമ തീരുമാനമെടുക്കുക. വകുപ്പ് മേധാവി ഡോ. റാം, സംഗീത നമ്പ്യാർ എന്നിവരുടെ അപേക്ഷകളാണ് കോടതിയുടെ പരിഗണനയിലുള്ളത്.
അധ്യാപകരിൽ നിന്ന് നിതിൻ രാജിന് നിരന്തരമായ മാനസിക പീഡനവും ജാതീയ അധിക്ഷേപവും നേരിടേണ്ടി വന്നതായാണ് പ്രോസിക്യൂഷൻ കോടതിയിൽ വാദിക്കുന്നത്. അതേസമയം, എന്നാൽ ഈ ആരോപണങ്ങൾ നിഷേധിക്കുന്ന നിലപാടാണ് അധ്യാപകർ സ്വീകരിച്ചിരിക്കുന്നത്. നിതിൻ ആത്മഹത്യ ചെയ്ത ദിവസം പ്രിൻസിപ്പലിൻ്റെ മുറിയിൽ നടന്ന ചോദ്യം ചെയ്യലിൽ തങ്ങൾ പങ്കെടുത്തിട്ടില്ലെന്നാണ് പ്രതിഭാഗം അഭിഭാഷകർ കോടതിയെ അറിയിച്ചത്.
