പാലക്കാട് ശ്രീകൃഷ്ണപുരം സെന്റ് ഡൊമിനിക് സ്കൂളിലെ ഒന്പതാം ക്ലാസ് വിദ്യാര്ഥിനി ആശിര്നന്ദ ആത്മഹത്യ ചെയ്ത സംഭവത്തില് അധ്യാപകര്ക്കെതിരേ പോലിസ് കേസെടുത്തു. മുന് പ്രിന്സിപ്പല് ജോയ്സി, അധ്യാപകരായ സ്റ്റെല്ലാ ബാബു, അര്ച്ചന എന്നിവര്ക്കെതിരെയാണ് കേസ്. കോടതിയുടെ അനുമതിയോടെയാണ് ജുവനൈല് ജസ്റ്റിസ് നിയമത്തിലെ 75ാം വകുപ്പുപ്രകാരം കേസെടുത്തത്.
ആശിര്നന്ദ ജൂണ് 23നാണ് ആത്മഹത്യ ചെയ്തത്. മാര്ക്ക് കുറഞ്ഞപ്പോള് കുട്ടിയെ ക്ലാസ് മാറ്റിയിരുത്തിയെന്നും ഇതിന്റെ മനോവിഷമത്തിലാണ് കുട്ടി ആത്മഹത്യ ചെയ്തതെന്നാണ് രക്ഷിതാക്കളുടെ പരാതി. വൈകിട്ട് സ്കൂള് വിട്ടെത്തിയ ആശിര്നന്ദയെ (14) രാത്രിയോടെയാണ് വീട്ടില് തൂങ്ങിമരിച്ച നിലയില് കണ്ടെത്തിയത്.
