ധർമ്മടത്ത് യുഡിഎഫ് സ്ഥാനാർത്ഥിയുടെ പ്രചാരണ ഫ്ളക്സ് ബോർഡുകൾ മോഷ്ടിച്ച് കൊണ്ടുപോകുന്നുവെന്ന പരാതിയുമായി യുഡിഎഫ് സ്ഥാനാർഥി വി പി അബ്ദുൾ റഷീദ്. സിപിഐഎം പ്രവർത്തകർ എടുത്തുകൊണ്ടു പോകുന്നുവെന്നാണ് പരാതി. യുഡിഎഫ് സ്ഥാനാർഥി വി പി അബ്ദുൾ റഷീദ് തന്നെയാണ് വീഡിയോ ദൃശ്യങ്ങൾ പങ്കുവെച്ചത്.
മുഴപ്പാല അനെനിമെട്ട ബൂത്ത് 31ൽ സ്ഥാപിച്ച ഫ്ളക്സാണ് കൊണ്ടുപോയത്. ആയിരത്തോളം പ്രചാരണ സാമഗ്രികൾ നശിപ്പിച്ചതായും അബ്ദുൾ റഷീദ് പറയുന്നു. കേരളത്തിൽ ആദ്യം യുഡിഎഫ് ജയിക്കുന്ന മണ്ഡലം ധർമ്മടമായിരിക്കും. തെരഞ്ഞെടുപ്പ് കമ്മീഷൻ നീതികേട് കാണിക്കുകയാണ് എന്നും ജനങ്ങൾ പ്രതികരിക്കുമെന്നും വി പി അബ്ദുൽ റഷീദ് പറഞ്ഞു.
നേരത്തെ മുഴപ്പാലയിൽ വെച്ച് തെരഞ്ഞെടുപ്പ് വാഹനം തടഞ്ഞുവെച്ചു എന്നാ പരാതിയുമായും വി പി അബ്ദുള് റഷീദ് രംഗത്തുവന്നിരുന്നു. സിപിഐഎം പ്രവര്ത്തകനാണ് വാഹനം തടഞ്ഞതെന്നും സ്ഥാനാര്ത്ഥിക്ക് നേരെ കൊലവിളി നടത്തിയെന്നും ആരോപണമുണ്ടായിരുന്നു.
