ലിവ് ഇൻ മ്യൂസിക്കിൻ്റെ ‘ഭക്തിഗാനസുധ’ ഡിസംബർ 14ന്

കമ്മഗൊണ്ടനഹള്ളി അയ്യപ്പ സേവാ സംഘം അൻപതാം വാർഷികത്തോടനുബന്ധിച്ചു ലിവ് ഇൻ മ്യൂസിക് അവതരിപ്പിക്കുന്ന സംഗീതപരിപാടി ‘ഭക്തിഗാനസുധ’ ഡിസംബർ 14 ന് ഉച്ചയ്ക്ക് 12.30 ന് അബ്ബിഗെരെ ജിണ്ടാൽ സ്‌കൂൾ ഗ്രൗണ്ടിൽവച്ച്‌ നടക്കും. നടനും ഗായകനുമായ ശശീന്ദ്ര വർമയുടെ നേതൃത്വത്തിലാണ് ‘ഭക്തിഗാനസുധ’ അരങ്ങേറുക.
ഭക്തിഗാനസുധയിൽ ബാംഗളൂരിലെ ഗായകരായ വിഷ്ണുജിത് വർമ്മ, വൈഷ്ണവ് രാജ, സുനിത വാരിയർ, കൃഷ്ണ പ്രസാദ്, ശ്രീഹരി, മിതാലി ഉമേഷ് എന്നിവർ ഭക്തിഗാനങ്ങൾ ആലപിക്കും. അജിത് കുമാർ വാദ്യോപകരണങ്ങൾ നിയന്ത്രിക്കും. കൂടുതൽ വിവരങ്ങൾക്ക് 98865 60926.