സ്വർണ്ണ വിലയിൽ ഇടിവ്. ഇന്ന് സംസ്ഥാനത്ത് പവന് 400 രൂപയാണ് കുറഞ്ഞത്. ഇതോടെ വില 72,080 ആയി. 72,480 രൂപയിലാണ് രണ്ടു ദിവസമായി സ്വർണ്ണ വ്യാപാരം നടക്കുന്നത്. ഗ്രാമിന് 50 രൂപ കുറഞ്ഞ് വില 9,010ലെത്തി. 5 ശതമാനം പണിക്കൂലിയും നികുതിയും ഉൾപ്പെടെ ഒരുപവന് 78,000ത്തോളം രൂപ നൽകേണ്ടി വരും. പവന് 24 കാരറ്റിന് 78,632 രൂപയും ഗ്രാമിന് 9,829 രൂപയുമാണ് വില. പവന് 18 കാരറ്റിന് 58,976 രൂപയും ഗ്രാമിന് 7,372 രൂപയുമാണ് വില.
ജനുവരി 22നാണ് സ്വർണ്ണവില ആദ്യമായി 60,000 കടന്നത്. തുടർന്ന് ഫെബ്രുവരി 11ന് പവൻ വില 64,000 കടന്നിരുന്നു. മാർച്ച് 14ന് 65,000 കടന്ന വില ഏപ്രിൽ 12നാണ് ആദ്യമായി 70,000 കടന്നത്. തുടർന്ന് ഏപ്രിൽ 17ന് പവൻ വില 71,000 ഉം ഏപ്രിൽ 22ന് വില 74,000ഉം കടന്നു. രാജ്യാന്തര വിപണിയിലെ ചലനങ്ങൾക്ക് അനുസരിച്ചാണ് രാജ്യത്ത് സ്വർണ്ണ വില നിശ്ചയിക്കുന്നത്.
