കർണ്ണാടക 422 മെഡിക്കൽ പിജി സീറ്റിനുകൂടി ദേശീയ മെഡിക്കൽ കമ്മിഷൻ അനുമതി നൽകി. ഇതോടെ സംസ്ഥാനത്തെ സർക്കാർ മെഡിക്കൽ കോളേജുകളിലെ ആകെ പിജി സീറ്റുകളുടെ എണ്ണം 2116 ആയി ഉയർന്നു. നേരത്തേ 1694 സീറ്റാണുണ്ടായിരുന്നത്. 20 വിഭാഗത്തിലായിട്ടാണ് പുതിയ സീറ്റുകൾ അനുവദിച്ചിരിക്കുന്നത്. പുതുതായി 572 സീറ്റിനാണ് സർക്കാർ അനുമതിതേടിയത്. ദീർഘകാലമായുള്ള ഒരു ആവശ്യം ഒടുവിൽ സഫലമായതായി. - മന്ത്രി ശരൺപ്രകാശ് ആർ.പാട്ടീൽ പറഞ്ഞു.
"മുൻ വർഷങ്ങളിലെന്നപോലെ, ഈ വർഷവും പിജി കോഴ്സുകൾക്ക് ശക്തമായ ഡിമാൻഡ് ഉണ്ടായിരുന്നു. 572 സീറ്റുകൾക്ക് അംഗീകാരം നൽകണമെന്ന് ഞങ്ങൾ അഭ്യർത്ഥിച്ചിരുന്നു, അതിൽ 422 എണ്ണം അനുവദിച്ചു. കഴിഞ്ഞ വർഷം 1,694 പിജി സീറ്റുകൾ ഉണ്ടായിരുന്നു; ഈ വർഷത്തെ കൂടി കൂട്ടിച്ചേർക്കലോടെ ആകെ 2,116 സീറ്റുകളായി ഉയരും. ഇത് വിദ്യാർത്ഥികൾക്കുള്ള ഒരു ദീപാവലി സമ്മാനമാണ്," ഡോ. പാട്ടീൽ സന്തോഷത്തോടെ പറഞ്ഞു.
