കേരള സമാജം മാഗഡി റോഡ് സോൺ കുടുംബസംഗമം ജനുവരി 31ന്
കേരള സമാജം മാഗഡി റോഡ് സോണിൻ്റെ കുടുംബസംഗമം ജനുവരി 31 ശനിയാഴ്ച വൈകുന്നേരം 6 മണിക്ക് സിൻഡിക്കേറ്റ് ലേഔട്ട് ഗ്രൗണ്ടിൽവെച്ച് നടക്കും. കുടുംബാംഗങ്ങളുടെ കലാപരിപാടികൾ, ഡിന്നർ പാർട്ടി എന്നിവ ഉണ്ടായിരിക്കും. സമാജം സംഘടിപ്പിച്ച ഓണോത്സവത്തിന് ലഭിച്ച മികച്ച പ്രതികരണത്തിനും അംഗങ്ങളുടെ സജീവ പങ്കാളിത്തത്തിനുമുള്ള നന്ദി സൂചകമായാണ് കുടുംബസംഗമം നടത്തുന്നതെന്ന് സംഘാടകർ അറിയിച്ചു. എല്ലാ അംഗങ്ങളും കുടുംബസമേതം പങ്കെടുക്കണമെന്ന് ഭാരവാഹികൾ അഭ്യർത്ഥിച്ചു.
രാഹുൽ മാങ്കൂട്ടത്തിൽ ജയിൽ മോചിതനായി
ബലാത്സംഗക്കേസിൽ അറസ്റ്റിലായ രാഹുൽ മാങ്കൂട്ടത്തിൽ എംഎൽഎ ജാമ്യം കിട്ടിയതിനു പിന്നാലെ ജയിൽ മോചിതനായി. മാവേലിക്കര സബ് ജയിലിൽനിന്ന് അറസ്റ്റിലായി18 ദിവസങ്ങൾക്കുശേഷമാണ് ജയിൽ മോചിതനാകുന്നത്. അതേസമയം ജയിലിന് പുറത്ത് യുവമോർച്ച പ്രതിഷേധം സംഘടിപ്പിച്ചിരുന്നു. മൂന്നാം ബലാത്സംഗക്കേസിൽ രാഹുലിന് പത്തനംതിട്ട സെഷൻസ് കോടതിയാണ് ജാമ്യം അനുവദിച്ചത്. കേസിൽ ഡിജിറ്റൽ തെളിവുകളുടെ ആധികാരികത സംബന്ധിച്ച് പ്രോസിക്യൂഷൻ സംശയം പ്രകടിപ്പിച്ചതോടെയാണ് വിധി പറയുന്നത് ഇന്നത്തേക്ക് മാറ്റിവച്ചത്. ഉഭയസമ്മതപ്രകാരമുള്ള ബന്ധമാണ് പരാതിക്കാരിയുമായി ഉണ്ടായിരുന്നതെന്ന് സ്ഥാപിക്കാനായിരുന്നു പ്രതിഭാഗത്തിന്‍റെ ശ്രമം.
നാലാം ട്വന്റി 20: ടോസ് ഇന്ത്യക്ക്, കിവീസിന് ബാറ്റിംഗ്
ന്യൂസിലൻഡിനെതിരായ ട്വന്റി20 ക്രിക്കറ്റ് പരമ്പരയിലെ നാലമത്തെ മത്സരത്തിൽ ടോസ് നേടിയ ഇന്ത്യ ഫിൽഡിംഗ് തെരഞ്ഞെടുത്തു. ആദ്യ മൂന്ന് മത്സരങ്ങളും ജയിച്ച് ഇന്ത്യ പരമ്പര സ്വന്തമാക്കിയിരുന്നു. ഇഷാൻ കിഷനു പകരം ബൗളർ അർഷദീപ് സിംഗിനെ ടീമിലുൾപ്പെടുത്തിയാണ് ഇന്ത്യ ഇന്ന് ഇറങ്ങുന്നത്. അതേസമയം ന്യൂസിലൻഡ് കൈൽ ജാമിസനു പകരം സക്കറി ഫൗൾക്സിനെ ടീമിൽ ഉൾപ്പെടുത്തി.
സാമൂഹ്യമായ നീതിനിഷേധത്തെ ഒന്നിച്ചെതിർക്കണം: വി എസ് ബിന്ദു ടീച്ചർ
എവിടെയുമുള്ള സാമൂഹ്യ നീതി നിഷേധത്തെ മനുഷ്യർക്കൊന്നിച്ചെതിർക്കാൻ കഴിയണമെന്ന് കവിയും സാംസ്കാരിക പ്രവർത്തകയും അധ്യാപികയുമായ വിഎസ് ബിന്ദു ടീച്ചർ പറഞ്ഞു. സിപിഎസിയുടെയും ശാസ്ത്രസാഹിത്യ വേദിയുടെയും സംയുക്താഭിമുഖ്യത്തിൽ ബാംഗ്ലൂരിൽ ഏർപ്പെടുത്തിയ “അവളോടൊപ്പം അതിജീവിതകളോടൊപ്പം” എന്ന പരിപാടിയിൽ മുഖ്യപ്രഭാഷണം നടത്തുകയായിരുന്നു ബിന്ദു ടീച്ചർ. അതിജീവിതർക്കൊപ്പം എന്നാകുമ്പോൾ എല്ലാവർക്കും ഒപ്പം ജീവിക്കാനുള്ള പരിശീലനമാണ് നാം ലക്ഷ്യമാക്കുന്നത്. തലമുറകൾ കൈമാറുന്ന കഥപറച്ചിലുകൾ ഉൾപ്പെടെ കാലാനുസൃതമായ പരിശീലനം വരുത്തി മൂല്യബോധങ്ങളെ സർഗാത്മകമായി അവതരിപ്പിക്കണം. വെടിയുണ്ടയ്ക്ക് ഒരു തുള മാത്രമേ
ഗവർണറിൽനിന്ന് ഡോക്ടറേറ്റ് സർട്ടിഫിക്കറ്റ് ഏറ്റുവാങ്ങി
ഭാരതിദാസൻ യൂണിവേഴ്‌സിറ്റിയിൽ നിന്ന് മൈക്രോബയോളജിയിൽ ഡോക്ടറേറ്റ് നേടിയ ഡോ.ദീപ.വി.എച്ച്, തമിഴ്‌നാട് ഗവർണർ ആർ.എൻ.രവിയിൽനിന്ന് പി എച്ച് ഡി സർട്ടിഫിക്കറ്റ് ഏറ്റുവാങ്ങി. പാലക്കാട് സ്വദേശിയായ ഡോ.ദീപ.വി.എച്ച് ബാംഗ്ലൂർ ജാലഹള്ളിയിലാണ് താമസിക്കുന്നത്. കേരള സമാജം ബാംഗ്ലൂർ നോർത്ത് വെസ്റ്റ് മുൻ സെക്രട്ടറി സത്യനാഥൻ ബാബുവിൻ്റെ ഭാര്യയാണ്. പാലക്കാട് പത്തിരിപ്പാല അകലൂർ ആലംന്തട്ട് വീട്ടിൽ പരേതനായ ഹരിദാസൻ്റെയും വിശാലാക്ഷി അമ്മയുടെയും മകളാണ്. ശ്രുതി, ഗോപിക എന്നിവർ മക്കളാണ്.
‘രാജ്യത്ത് സാമൂഹിക നീതി ഉറപ്പാക്കാൻ കേന്ദ്ര സർക്കാർ പ്രതിജ്ഞാബദ്ധം’: രാഷ്ട്രപതി ദ്രൗപതി മുർമു
രാജ്യത്ത് സാമൂഹിക നീതി ഉറപ്പാക്കാൻ കേന്ദ്ര സർക്കാർ പ്രതിജ്ഞാബദ്ധമാണെന്ന് രാഷ്ട്രപതി ദ്രൗപതി മുർമു. പാർലമെന്‍റിന്‍റെ ബജറ്റ് സമ്മേളനത്തിന് തുടക്കം കുറിച്ചുകൊണ്ടുള്ള രാഷ്ട്രപതിയുടെ നയ പ്രഖ്യാപന പ്രസംഗത്തിലായിരുന്നു ഇക്കാര്യം പറഞ്ഞത്. ഇന്ത്യയും യൂറോപ്യൻ യൂണിയനും തമ്മിൽ കഴിഞ്ഞ ദിവസം ഒപ്പുവച്ച സ്വതന്ത്ര വ്യാപാര കരാറിനെ കുറിച്ചും രാഷ്ട്രപതി പരാമർശിച്ചു. കേന്ദ്ര സർക്കാരിന്‍റെ ഭരണ നേട്ടങ്ങൾ പറഞ്ഞുള്ള പ്രസംഗത്തിൽ അഴിമതി രഹിത ഭരണം യാഥാർഥ്യമാക്കിയ സർക്കാരിനെ ദ്രൗപതി മുർമു അഭിനന്ദിച്ചു. രാജ്യത്തെ 95
ബംഗളൂരുവിൽ വൻ കവർച്ച; വീട്ടുജോലിക്കാർ മോഷ്ടിച്ചത് 18 കോടി രൂപയുടെ സ്വർണവും വെള്ളിയും
യെമലൂരുവിലെ കെമ്പപുരയിലെ പ്രമുഖ ബിൽഡറുടെ വീട്ടിൽ നിന്ന് 18 കോടി രൂപയുടെ സ്വർണാഭരണങ്ങളും പണവും മോഷണം പോയതായി പരാതി. ബിൽഡറും ഡെവലപ്പറുമായ ഷിമന്ത് എസ് അർജുൻ എന്നയാളുടെ വീട്ടിലാണ് മോഷണം നടന്നത്. ഞായറാഴ്ച രാവിലെ ഒമ്പത് മണിയോടെ ഷിമന്ത് ഭാര്യയ്ക്കും മകനും മാതാപിതാക്കൾക്കുമൊപ്പം ബന്ധുവിൻ്റെ വീട്ടിൽ പോയ സമയത്താണ് മോഷണം നടന്നത്. വീട്ടിൽ ജോലി ചെയ്തിരുന്ന നേപ്പാൾ സ്വദേശികളായ ദിനേശും കമലയുമാണ് മോഷണം നടത്തിയതെന്നു പോലീസ് പറഞ്ഞു. ഇവർക്കായി ബംഗളൂരു
പൊതുജനങ്ങൾ ഏറെ ആശ്രയിക്കുന്ന പോസ്റ്റ് ഓഫിസുകളിൽ കന്നട പുറത്ത്
കർണാടകയിൽ പൊതുജനങ്ങൾ ഏറെ ആശ്രയിക്കുന്ന തപാൽ സേവനങ്ങൾ ഹിന്ദിയിലും ഇംഗ്ലീഷിലും മാത്രമാണ് ലഭിക്കുന്നത്. ഇത് പൊതുജനങ്ങൾക്ക് അപേക്ഷകൾ പൂരിപ്പിക്കുന്നതിന് വളരെ പ്രയാസമുണ്ടാക്കുന്നു. 2014 ൽ കന്നട അനുകൂല പ്രവർത്തകരുടെ വ്യാപകമായ പ്രതിഷേധങ്ങൾ കാരണം ഇംഗ്ലീഷിനൊപ്പം കന്നടയിലും ചലാനുകളും സ്ലിപ്പുകളും അവതരിപ്പിക്കാൻ തപാൽ വകുപ്പ് നിർബന്ധിതരായിരുന്നു. സമീപ കാലങ്ങളിൽ മിക്ക പോസ്റ്റ് ഓഫിസ് ഇടപാടുകളും കന്നട ഉപേക്ഷിച്ച് ഇംഗ്ലീഷിലേക്കും ഹിന്ദിയിലേക്കും തിരിച്ചുവന്നിരിക്കുന്നു. ഇത് സ്ത്രീകൾ ഉൾപ്പെടെ നിരവധിപേർക്ക് പോസ്റ്റ് ഓഫിസുകളിലെ സേവനങ്ങൾക്ക്
സെന്തിലും അനുമോളും ഒന്നിക്കുന്ന ‘ത തവളയുടെ ത’ ഫെബ്രുവരി 14ന് തിയറ്ററുകളിൽ എത്തും
നവാഗതനായ ഫ്രാൻസിസ് ജോസഫ് ജീര കഥയെഴുതി സംവിധാനം ചെയ്യുന്ന ‘ത തവളയുടെ ത’ ഫെബ്രുവരി 14ന് തിയറ്ററുകളിൽ എത്തും. ബിഗ് സ്റ്റോറീസ് മോഷൻ പിക്ചേഴ്‌സിന്‍റെയും, 14/11 സിനിമാസ് എന്നിവയുടെ ബാനറിൽ റോഷിത്ത് ലാൽ, ജോൺ പോൾ എന്നിവർ ചേർന്ന് നിർമ്മിക്കുന്ന ‘ത തവളയുടെ ത’ റിലീസ് അറിയിച്ച് കൊണ്ടുള്ള പുതിയ പോസ്റ്റർ റിലീസായി. മൂന്നാം ക്ലാസ്സിൽ പഠിക്കുന്ന ബാലു എന്ന കുട്ടിയുടെ ജീവിതത്തിലൂടെയും സ്വപ്ന ലോകങ്ങളിലൂടെയും സഞ്ചരിക്കുന്നതാണ് ചിത്രത്തിന്‍റെ ഇതിവൃത്തം.
അജിത് പവാറിന്‍റെ മരണം; അപകടകാരണം കാഴ്ച പരിധി കുറഞ്ഞത്: വ്യോമയാന മന്ത്രി റാം മോഹൻ നായിഡു
മഹാരാഷ്ട്ര ഉപമുഖ്യമന്ത്രി അജിത് പവാർ ഉൾപ്പടെ ആറുപേർ കൊല്ലപ്പെട്ട ബാരാമതി വിമാനാപകടത്തിന് കാരണം കാഴ്ച പരിധി കുറഞ്ഞതെന്ന് വ്യോമയാന മന്ത്രി റാം മോഹൻ നായിഡു. ആദ്യ ലാൻഡിംഗിൽ റൺവേ കാണാനാകുന്നില്ലെന്ന് പൈലറ്റ് അറിയിച്ചു. രണ്ടാം ലാൻഡിംഗിൽ പ്രശ്നമില്ലെന്ന് അറിയിച്ചപ്പോൾ എടിസി ക്ലിയറൻസ് നൽകി. എന്നാൽ അപകടം സംഭവിക്കുകയായിരുന്നുവെന്ന് മന്ത്രി വ്യക്തമാക്കി. ഇന്ന് രാവിലെ 8.45ഓടെയാണ് മഹാരാഷ്ട്ര ഉപമുഖ്യമന്ത്രി അജിത് പവാർ സഞ്ചരിച്ച വിമാനം അപകടത്തിൽപ്പെട്ടത്.