കോട്ടയത്ത് വാഹനാപകടത്തിൽ 2 പേർ മരിച്ചു. കോട്ടയം കോടിമത പാലത്തിന് സമീപത്താണ് അപകടം നടന്നത്. ബൊലേറോയും പിക്കപ്പ് വാനും കൂട്ടിയിടിച്ചാണ് അപകടമുണ്ടായത്. രാത്രി 12 ഓടെയായിരുന്നു സംഭവം. ബലേറോയിൽ സഞ്ചരിച്ചിരുന്ന കൊല്ലാട് സ്വദേശികളായ അർജുൻ (19), ജെയ്മോൻ (43) എന്നിവരാണ് മരിച്ചത്. അപകടത്തിൽ 4 പേർക്ക് പരിക്കേറ്റു. ഒരാളുടെ നില അതീവഗുരുതരമാണ്. പിക്കപ്പ് വാനിലുണ്ടായിരുന്ന 2 പേർ നിസാര പരിക്കുകളോടെ രക്ഷപ്പെട്ടു.
