ആ​പ്പി​ൾ ക​ടി​ച്ച ശേ​ഷം ജ​ന​ക്കൂ​ട്ട​ത്തി​ന് നേ​രെ എ​റി​ഞ്ഞു ന​ൽ​കു​ന്ന ഡി.​കെ.ശി​വ​കു​മാ​റി​ന്‍റെ വീ​ഡി​യോ വി​വാ​ദ​മാ​കു​ന്നു

ആ​പ്പി​ൾ ക​ടി​ച്ച ശേ​ഷം ജ​ന​ക്കൂ​ട്ട​ത്തി​ന് നേ​രെ എ​റി​ഞ്ഞു ന​ൽ​കു​ന്ന ക​ർ​ണാ​ട​ക മു​ഖ്യ​മ​ന്ത്രി ഡി.​കെ. ശി​വ​കു​മാ​റി​ന്‍റെ വീ​ഡി​യോ സ​മൂ​ഹ​മാ​ധ്യ​മ​ങ്ങ​ളി​ൽ വ​ൻ വി​വാ​ദ​മാ​കു​ന്നു. പൊ​തു​പ​രി​പാ​ടി​ക്കി​ടെയായിരുന്നു സംഭവം. ക​ന​ക​പു​ര​യി​ലെ ഹാ​രോ​ഹ​ള്ളി​യി​ൽ ന​ട​ന്ന സ്വീ​ക​ര​ണ പ​രി​പാ​ടി​ക്കി​ടെ​യാ​ണ് വി​വാ​ദ​മാ​യ സം​ഭ​വം. വീ​ഡി​യോ വൈ​റ​ലാ​യ​തോ​ടെ ശക്തമായ വി​മ​ർ​ശ​ന​ങ്ങ​ളാ​ണ് മു​ഖ്യ​മ​ന്ത്രിക്കെതി​രെ ഉ​യ​രു​ന്ന​ത്. ഒ​രു പൊ​തു​പ്ര​വ​ർ​ത്ത​ക​ന് ചേ​ർ​ന്ന ന​ട​പ​ടി​യ​ല്ല ഇതെന്ന് സ​മൂ​ഹ​മാ​ധ്യ​മ​ങ്ങ​ളി​ൽ ചി​ല​ർ പറഞ്ഞു.

മ​ണ്ഡ​ല​ത്തി​ൽ എ​ത്തി​യ ശി​വ​കു​മാ​റി​ന് വ​ൻ വ​ര​വേ​ൽ​പ്പാ​ണ് അ​ണി​ക​ൾ ന​ൽ​കി​യ​ത്. ഇ​തി​ന്‍റെ ഭാ​ഗ​മാ​യി ആ​പ്പി​ളു​ക​ളും പൂ​ക്ക​ളും കോ​ർ​ത്തി​ണ​ക്കി ത​യ്യാ​റാ​ക്കി​യ വ​ലി​യ ഹാ​രം ക്രെ​യി​ൻ ഉ​പ​യോ​ഗി​ച്ച് അ​ദ്ദേ​ഹ​ത്തെ അ​ണി​യി​ച്ചു. ഇ​തി​നി​ടെ ഹാ​ര​ത്തി​ൽ നി​ന്ന് ആ​പ്പി​ളു​ക​ൾ ഓ​രോ​ന്നാ​യി പ​റി​ച്ച് ക​ടി​ച്ച ശേ​ഷം ശി​വ​കു​മാ​ർ താ​ഴെ ത​ടി​ച്ചു​കൂ​ടി​യ അ​ണി​ക​ൾ​ക്ക് നേ​രെ എ​റി​ഞ്ഞു കൊ​ടു​ക്കു​ക​യാ​യി​രു​ന്നു. ആ​വേ​ശ​ത്തോ​ടെ​യാ​ണ് അ​ണി​ക​ൾ ഇ​ത് കൈ​ക്ക​ലാ​ക്കാ​ൻ ശ്ര​മി​ച്ച​ത്.

ക​ർ​ണാ​ട​ക മു​ഖ്യ​മ​ന്ത്രി സ്വ​യം ഒ​രു ദൈ​വ​മാ​ണെ​ന്ന് ക​രു​തി​യാ​ണോ ‘പ്ര​സാ​ദം’ എ​ന്ന രീ​തി​യി​ൽ എ​ച്ചി​ൽ ആ​ഹാ​രം ജ​ന​ങ്ങ​ൾ​ക്ക് ന​ൽ​കു​ന്ന​തെ​ന്ന് പലരും സ​മൂ​ഹ​മാ​ധ്യ​മ​ങ്ങ​ളി​ൽ ചോ​ദി​ച്ചു. അ​ണി​ക​ളോ​ടു​ള്ള സ്നേ​ഹ​പ്ര​ക​ട​ന​ത്തി​ന്‍റെ ഭാ​ഗ​മാ​യു​ള്ള ഇ​ട​പെ​ട​ൽ മാ​ത്ര​മാ​ണി​തെ​ന്നാ​ണ് മുഖ്യമന്ത്രിയെ അ​നു​കൂ​ലി​ക്കു​ന്ന​വ​രു​ടെ വാ​ദം.