യാ​ത്ര​ക്കാ​രി​യു​ടെ മു​ക്കു​പ​ണ്ടം മാ​ല പൊ​ട്ടി​ച്ച് ട്രെ​യി​നി​ൽ നി​ന്നും ചാ​ടി; യു​പി സ്വ​ദേ​ശി അ​റ​സ്റ്റി​ൽ

സ്വ​ർ​ണ്ണമെന്ന് ക​രു​തി യാ​ത്ര​ക്കാ​രി​യു​ടെ മു​ക്കു​പ​ണ്ടം മാ​ല​പൊ​ട്ടി​ച്ച് ട്രെ​യി​നി​ൽ നി​ന്ന് ചാ​ടി​യ യു​പി സ്വ​ദേ​ശി അ​റ​സ്റ്റി​ൽ. കോ​ഴി​ക്കോ​ട് റെ​യി​ൽ​വെ പോ​ലീ​സാണ് പി​ടി​കൂ​ടിയത്. ഉ​ത്ത​ർ​പ്ര​ദേ​ശ് ഷ​ഹ​ര​ൻ​പു​ർ സ്വ​ദേ​ശി ഷ​ഹ​ജാ​സ് മു​ഹ​മ​ദ് (28) ആ​ണ് അ​റ​സ്റ്റി​ലാ​യ​ത്. ട്രെ​യി​നി​ൽ നി​ന്ന് ചാ​ടി പ​രി​ക്കേ​റ്റ യു​വാ​വ് അ​ടു​ത്തു​ള്ള ആ​ശു​പ​ത്രി​യി​ൽ ചി​കി​ത്സ​ തേ​ടു​ക​യാ​യി​രു​ന്നു. കോ​യ​മ്പ​ത്തൂ​ർ ഇ​ന്‍റ​ർ​സി​റ്റി പ​ര​പ്പ​ന​ങ്ങാ​ടി റെ​യി​ൽ​വേ സ്റ്റേ​ഷ​ൻ വി​ടു​ന്ന സ​മ​യ​ത്താ​ണ് മാ​ല​പൊ​ട്ടി​ച്ച് പ്ര​തി ട്രെയിനിൽ നിന്നും പു​റ​ത്തേ​ക്കു​ ചാ​ടി​യ​ത്.

പ്ര​തി​ക്ക് പ​രി​ക്കു​പ​റ്റാ​ൻ സാ​ധ്യ​ത​യു​ണ്ട് എ​ന്നു മ​ന​സി​ലാ​ക്കി​യ റെ​യി​ൽ​വേ പോ​ലീ​സും ആ​ർ​പി​എ​ഫും സ​മീ​പ​ത്തെ ആ​ശു​പ​ത്രി​യി​ൽ പ​രി​ശോ​ധ​ന ന​ട​ത്തി​യ​പ്പോ​ഴാ​ണ് ഇ​യാ​ൾ പി​ടി​യി​ലാ​യ​ത്. ഗു​രു​ത​ര​മാ​യി പ​രി​ക്കേ​റ്റ ഇ​യാ​ൾ തെ​ങ്ങി​ൽ​ നി​ന്ന് വീ​ണ​താ​ണെ​ന്നാ​ണ് ആശുപത്രി അധികൃതരോട് പ​റ​ഞ്ഞ​ത്. സം​സ്ഥാ​ന​ത്ത് വി​വി​ധ​ സ്റ്റേ​ഷ​നു​ക​ളി​ലായി പ്ര​തി​യു​ടെ ​പേ​രി​ൽ മോ​ഷ​ണ​ക്കേ​സു​ക​ൾ നി​ല​വി​ലു​ണ്ടെ​ന്ന് പോ​ലീ​സ് പ​റ​ഞ്ഞു.