ആലപ്പുഴയില്‍ ട്രെയിന്‍ തട്ടി രണ്ടുപേര്‍ മരിച്ചു

ആലപ്പുഴയില്‍ എഫ്‌സിഐ ഗോഡൗണിനു സമീപം ട്രെയ്ന്‍ തട്ടി രണ്ടുപേര്‍ മരിച്ചു. രാവിലെ മംഗലാപുരത്തു നിന്നു തിരുവനന്തപുരത്തേക്കു പോകുകയായിരുന്ന മാവേലി എക്‌സ്പ്രസ് തട്ടിയാണ് അപകടം. പാണാവള്ളി പഞ്ചായത്ത് 18ാം വാര്‍ഡ് കൊട്ടുരുത്തിയില്‍ ശ്രുതി (35), അരൂക്കുറ്റി പഞ്ചായത്ത് അഞ്ചാം വാര്‍ഡ് പള്ളാക്കല്‍ സലിംകുമാര്‍ (38) എന്നിവരാണു മരിച്ചത്. തിങ്കളാഴ്ച പുലര്‍ച്ചെ മൂന്നിന് ആയിരുന്നു സംഭവം. ആത്മഹത്യയാണെന്നാണു പ്രാഥമിക നിഗമനം.