നെയ്യാറ്റിൻകരയിൽ ടിപ്പർ ലോറി മറിഞ്ഞ് അപകടം; രണ്ടുപേർക്ക് പരിക്ക്

തിരുവനന്തപുരം നെയ്യാറ്റിൻകര വാഴിച്ചലിൽ നിയന്ത്രണം വിട്ട ടിപ്പർ ലോറി മറിഞ്ഞ് അപകടം. ആനപ്പാറയിൽനിന്നും കള്ളിക്കാട് ഭാ​ഗത്തേക്ക് പോവുകയായിരുന്നു ലോറി. ഡ്രെെവർ ഉൾപ്പെടെ രണ്ടുപേർക്ക് പരിക്കേറ്റു. വാഹനത്തിലെ ഡ്രെെവറായ കളിയിക്കവിള പൊന്നപ്പ നഗർ സ്വദേശി ജിഷോ, ക്ലീനർ ആകാശ് എന്നിവർക്കാണ് പരിക്കേറ്റത്. പരിക്കേറ്റവരെ നെയ്യാറ്റിൻകര ജനറൽ ആശുപത്രിയിൽ പ്രവേശിപ്പിച്ചു. നാട്ടുകാർ ​ഗുരുതരമായി പരിക്കേറ്റ ജിഷോയെ വാഹനത്തിൻ്റെ ​ഗ്ലാസ് തകർത്താണ് പുറത്തെടുത്തത്. അപകടകാരണം വ്യക്തമല്ല.