20 ലക്ഷം സ്ക്വയർ ഫീറ്റിൽ കോയമ്പത്തൂരിൽ പടുകൂറ്റൻ എഐ പാർക്ക്, പദ്ധതി പൊതു – സ്വകാര്യ പങ്കാളിത്തത്തിൽ

ആർട്ടിഫിഷ്യൽ ഇന്റലിജൻസ് (എഐ) സാങ്കേതി വിദ്യയിൽ മുന്നേറ്റം നടത്താൻ ഉള്ള ഒരുക്കങ്ങളുമായി തമിഴ്‌നാട് എഐ അനുബന്ധ വികസനങ്ങൾക്കായി കോയമ്പത്തൂരിൽ ഐടി പാർക്ക് തുറക്കുമെന്ന് തമിഴ്‌നാട് മുഖ്യമന്ത്രി എം കെ മുഖ്യമന്ത്രി എംകെ സ്റ്റാലിൻ അറിയിച്ചു. പൊതു – സ്വകാര്യ പങ്കാളിത്തത്തിലാകും പദ്ധതി നടത്തുന്നത്. ആർട്ടിഫിഷ്യൽ ഇന്റലിജൻസിൽ ശ്രദ്ധ കേന്ദ്രീകരിക്കുന്നതിനായി കോയമ്പത്തൂരിൽ 20 ലക്ഷം സ്ക്വയർ ഫീറ്റിലാണ് ഐഐ സാങ്കേതികവിദ്യ പഠിക്കാൻ ഐടി പാർക്ക് സ്ഥാപിക്കുന്നതെന്ന് മുഖ്യമന്ത്രി അറിയിച്ചു. എഐ സാങ്കേതികവിദ്യ വരുംകാലത്തെ മുഖ്യ ഘടകമാണെന്ന് മുഖ്യമന്ത്രി എംകെ സ്റ്റാലിൻ പറഞ്ഞു. എഐ സാങ്കേതികവിദ്യയുടെ വളർച്ച യുവാക്കളുടെ തൊഴിലവസരങ്ങളെ ബാധിക്കില്ലെന്നും സാങ്കേതികവിദ്യയുടെ വളർച്ച സംസ്ഥാനത്തിന് ഗുണം ചെയ്യുമെന്നും അദ്ദേഹം അറിയിച്ചു. വിവരസാങ്കേതികവിദ്യയിലും ഡിജിറ്റൽ സേവനങ്ങളിലും അടുത്ത ഘട്ടത്തിലേക്ക് നമ്മൾ നീങ്ങുകയാണെന്നും അദ്ദേഹം കൂട്ടിച്ചേർത്തു. മുൻ തമിഴ്‌നാട് മുഖ്യമന്ത്രി കരുണാനിധിയാണ് ടൈഡൽ പാർക്ക് ചെന്നൈയിലേക്ക് കൊണ്ടുവന്നത്.