തമിഴ് സിനിമ സീരിയല്‍ നടൻ കെ സുബ്രഹ്‌മണ്യന്‍ (57) കുഴഞ്ഞുവീണു മരിച്ചു. കെ സുബ്രഹ്‌മണ്യന്‍ സിപിഎം പ്രവര്‍ത്തകനും സിപിഎം ഇക്കാനഗര്‍ ബ്രാഞ്ച് മുന്‍ സെക്രട്ടറിയാണ്. തൊടുപുഴയില്‍ നടന്ന സിപിഎം ജില്ലാ സമ്മേളനത്തില്‍ പങ്കെടുത്ത് മടങ്ങുന്നതിനിടെയാണ് കുഴഞ്ഞുവീണത്.
ഉടന്‍ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. തമിഴ് ഹിറ്റ് സിനിമകളായ കഴുക്, കുംകി, മൈന എന്നിവ ഉള്‍പ്പെടെ ഒട്ടേറെ സിനിമകളില്‍ അഭിനയിച്ചിട്ടുണ്ട്. സംസ്‌കാരം ഇന്ന് ശാന്തിവനത്തില്‍ നടക്കും. ഭാര്യ: പാര്‍വതി (മൂന്നാര്‍ സര്‍വീസ് ബാങ്ക്). മക്കള്‍: വിവേക്, വിദ്യ മരുമക്കള്‍: അഭിരാമി, കാര്‍ത്തിക്.
