സിംബാബ്‌വെയ്ക്കെതിരായ ട്വന്‍റി20 പരമ്പരയിൽ വിജയം ആവർത്തിച്ച് പരമ്പര പിടിക്കാൻ ഇന്ത്യ ഇന്ന് രണ്ടാം പോരാട്ടത്തിനിറങ്ങും. ഹരാരെ സ്പോർട്സ് ക്ലബ്ബിൽ വൈകുന്നേരം 4.30നാണ് മത്സരം. ഇന്നു ജയിച്ചാൽ മൂന്നു മത്സര പരമ്പര ഇന്ത്യക്ക് സ്വന്തമാക്കാം. ആദ്യ മത്സരത്തിൽ ഏഴ് വിക്കറ്റിന്‍റെ ജയം നേടിയ ഇന്ത്യ 1-0ന്‍റെ ലീഡ് നേടിയിരുന്നു.
ഇംഗ്ലണ്ട്, അയർലൻഡ് പര്യടനങ്ങളിലെ വൻ പരാജയങ്ങൾക്ക് ശേഷം ഹരാരെയിൽ മികച്ച ഫോമിലേക്ക് തിരിച്ചെത്താൻ സാധിച്ചത് ഇന്ത്യക്ക് വലിയ ആത്മവിശ്വാസമാണ് നൽകുന്നത്.
