സര്ക്കാര് രൂപീകരണ ചര്ച്ചകള്ക്കിടെ തമിഴ്നാട്ടിലും റിസോര്ട്ട് രാഷ്ട്രീയം. എഐഎഡിഎംകെ നിയുക്ത എംഎല്എമാരെ പുതുച്ചേരിയിലെ റിസോര്ട്ടിലേക്ക് മാറ്റി. എംഎൽഎമാർക്കായി ദി ഷോർ ട്രിഷം എന്ന റിസോർട്ടിൽ 20 മുറികളാണ് ബുക്ക് ചെയ്തിട്ടുള്ളത്.
പാർട്ടിയിലെ ഒരു വിഭാഗം ടിവികെയിലേക്ക് പോകുമെന്ന വാർത്തകൾ വന്നതിന് പിന്നാലെയാണ് എംഎൽഎമാരെ ഒരുമിച്ച് നിർത്താനുള്ള നീക്കം. ഇതിനോടകം പല എംഎൽഎമാരും പുതുച്ചേരിയിൽ എത്തിയെന്നും ബാക്കിയുള്ളവർ എത്രയും പെട്ടെന്ന് എത്തുമെന്നും മുതിർന്ന അണ്ണാഡിഎംകെ നേതാവ് സി.വി.ഷൺമുഖം അറിയിച്ചു.
15 എംഎൽഎമാർ വിജയ്യെ പിന്തുണയ്ക്കണമെന്നാവശ്യപ്പെട്ട് പാർട്ടി ജനറൽ സെക്രട്ടറി എടപ്പാടി പളനിസ്വാമിയെ കണ്ടിരുന്നു. ടിവികെയോട് സിപിഐ സംസ്ഥാന നേതൃത്വത്തിന് അനുകൂല നിലപാടാണെങ്കിലും തിരക്കിട്ട തീരുമാനം വേണ്ടെന്നാണ് കേന്ദ്രനിലപാട്.
