തമിഴ്‌നാട് മുഖ്യമന്ത്രിയായി വിജയ് സത്യപ്രതിജ്ഞ ചെയ്തതിന് പിന്നാലെ, അദ്ദേഹത്തിന്‍റെ ചിത്രമായ ‘ജനനായകൻ’ രണ്ടാഴ്ചയ്ക്കുള്ളിൽ റിലീസ് ചെയ്യുമെന്ന് നിർമ്മാതാവ് വെങ്കട്ട് കെ. നാരായണ. സത്യപ്രതിജ്ഞാ ചടങ്ങിൽ പങ്കെടുത്ത ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.
ചിത്രത്തിന്‍റെ സെൻസർ ബോർഡ് നടപടികൾ അവസാന ഘട്ടത്തിലാണെന്നും രണ്ടാഴ്ചയ്ക്കുള്ളിൽ ചിത്രം ലോകമെമ്പാടുമുള്ള തിയേറ്ററുകളിൽ എത്തുമെന്നും കെവിഎൻ പ്രൊഡക്ഷൻസ് സ്ഥാപകൻ വെങ്കട്ട് കെ. നാരായണ വ്യക്തമാക്കി. എച്ച്. വിനോദ് ആണ് ഈ ചിത്രം സംവിധാനം ചെയ്യുന്നത്. വിജയ്‌യുടെ രാഷ്ട്രീയ പ്രവേശനവുമായി ചേർന്നുനിൽക്കുന്നതാണ് ചിത്രത്തിൻ്റെ പ്രമേയമെന്നാണ് സൂചന. മുഖ്യമന്ത്രി എന്ന പുതിയ ഇമേജ് സിനിമയുടെ വിജയത്തിന് വലിയ കരുത്താകുമെന്നാണ് സിനിമാ ലോകം വിലയിരുത്തുന്നത്.
