മലബാറിൽ കൂടുതൽ കെഎസ്ആര്‍ടിസി ബസുകൾ സജ്ജമാക്കുമെന്ന് മന്ത്രി പി.സി വിഷ്ണുനാഥ്. കെഎസ്ആര്‍ടിസിയിൽ സ്ത്രീകൾക്ക് സൗജന്യയാത്ര അനുവദിക്കുന്ന പ്രിയദർശനി പദ്ധതിയുടെ ആദ്യഘട്ടമാണ് ഇപ്പോൾ നടപ്പിലാക്കിയത്. കെഎസ്ആര്‍ടിസിയിൽ ഷെഡ്യൂളുകൾ വെട്ടിക്കുറച്ചത് മുൻ സർക്കാരാണെന്നും മന്ത്രി പ്രതികരിച്ചു.
സ്ത്രീ ശാക്തീകരണത്തിന് വേണ്ടിയാണ് പ്രിയദർശനി പദ്ധതി നടപ്പിലാക്കുന്നത്. ഒരു മാസത്തിനകം പദ്ധതിയുടെ മാറ്റം സംസ്ഥാനത്ത് കാണാനാകുമെന്നും മന്ത്രി പറഞ്ഞു.
