രാഹുൽ വിദേശത്തേക്ക് കടന്നേക്കുമെന്ന സൂചന; പോലീസ് ലുക്ക്ഔട്ട് നോട്ടീസ് ഇറക്കി

രാഹുൽ മാങ്കൂട്ടത്തിലിൽ എംഎൽഎ ഒളിവിൽ പോയതിനു പിന്നാലെ പോലീസ് ലുക്ക്ഔട്ട് നോട്ടീസ് ഇറക്കി. രാഹുൽ വിദേശത്തേക്ക് കടന്നേക്കുമെന്ന സൂചനയെ തുടർന്നാണ് പോലീസ് നടപടി. ജാമ്യമില്ലാ വകുപ്പുകൾ ആണ് രാഹുലിനെതിരെ ചുമത്തിയിരിക്കുന്നത്. വിവാഹ വാഗ്ദാനം നൽകി പീഡനം, വിശ്വാസവഞ്ചനാക്കുറ്റം, അശാസ്ത്രീയമായ ഗർഭഛിദ്രത്തിനു പ്രേരിപ്പിക്കൽ തുടങ്ങിയ കുറ്റങ്ങളാണ് രാഹുലിനെതിരെയുള്ളത്.
10 വർഷം മുതൽ ജീവപര്യന്തം വരെ തടവ് ശിക്ഷ ലഭിക്കാവുന്ന കുറ്റങ്ങളാണ് ചുമത്തിയത്. ഇന്ന് രാവിലെയാണ് എഫ്ഐആർ രജിസ്റ്റർ ചെയ്തത്.