കണ്ണൂരിലും കോഴിക്കോടും എൽഡിഎഫ് – യുഡിഎഫ് സംഘർഷം. സിപിഎം പ്രവർത്തകർ യുഡിഎഫ് ബൂത്ത് ഏജന്റുമാരെ ബൂത്തിൽ നിന്ന് പുറത്തിറങ്ങാനാവാത്തവിധം വളയുകയായിന്നു. എൽഡിഎഫ് – യുഡിഎഫ് സംഘർഷത്തിൽ പലർക്കും മർദനമേറ്റു. പോലീസെത്തിയാണ് പല സ്ഥലങ്ങളിലും യുഡിഎഫ് ബൂത്ത് ഏജന്റുമാരെ പുറത്തിറക്കിയത്.
പോലീസ് ഇല്ലാതിരുന്ന സ്ഥലങ്ങളിലാണ് യുഡിഎഫ് പ്രവർത്തകർക്ക് മർദനമേറ്റത്. കോഴിക്കോട് സൗത്ത് മണ്ഡലത്തിലും സംഘർഷമുണ്ടായി. പയ്യാനിയ്ക്കൽ ഗവൺമെന്റ് ഹൈസ്കൂളിലെ ബൂത്തിലാണ് സംഘർഷമുണ്ടായത്. യുഡിഎഫ് മതം പറഞ്ഞ് വോട്ട് പിടിക്കാൻ ശ്രമിച്ചെന്ന് ആരോപിച്ച് എൽഡിഎഫ് പ്രവർത്തകർ സംഘർഷമുണ്ടാക്കുകയാണെന്നാണ് പറയുന്നത്. പോലീസെത്തിയാണ് ഇവരെയും പറഞ്ഞു വിട്ടത്.
