കോഴിക്കോട് മലാപ്പറമ്പ് പെണ്‍വാണിഭക്കേസില്‍ പ്രതികളായ 2 പോലിസുകാർക്ക് സസ്‌പെന്‍ഷൻ. കണ്‍ട്രോള്‍ റൂം ഡ്രൈവര്‍മാരായ കെ ഷൈജിത്ത്, കെ സനിത്ത് എന്നിവരെയാണ് 11 ഉം 12 ഉം പ്രതികളാക്കിയത്. ഇരുവരെയും ഇതിനു പിന്നാലെ ഇന്നലെ വൈകീട്ടോടെ സസ്‌പെന്‍ഡ് ചെയ്തു. മലാപ്പറമ്പില്‍ ഒരു അപ്പാര്‍ട്ട്‌മെന്‍റ് കേന്ദ്രീകരിച്ച് പ്രവര്‍ത്തിച്ചിരുന്ന പെണ്‍വാണിഭകേന്ദ്രം വെള്ളിയാഴ്ചയാണ് നടക്കാവ് പോലിസ് റെയ്ഡ് ചെയ്തത്. നടത്തിപ്പുകാരിയായ വയനാട് ഇരുളം സ്വദേശി ബിന്ദുവടക്കം 9 പേരെയാണ് അന്ന് അറസ്റ്റു ചെയ്തത്. തുടരന്വേഷണത്തിലാണ് പോലിസുകാര്‍ക്കെതിരേ തെളിവുകിട്ടിയതും ഇവരെ പ്രതിപ്പട്ടികയില്‍ ചേര്‍ത്തതും. നടത്തിപ്പുകാരിയുടെ സുഹൃത്ത് ഗള്‍ഫിലുള്ള ബാലുശ്ശേരി വട്ടോളിബസാര്‍ സ്വദേശി അമനീഷ് കുമാറിനെ കേസില്‍ പത്താംപ്രതിയായും ചേര്‍ത്തിട്ടുണ്ട്.
Check latest article from this author !
പോർച്ചുഗൽ ജഴ്‌സിയിൽ ഇനി റൊണാൾഡോ ജൂനിയറും
നവംബർ 3, 2026
