കൊട്ടാരക്കര-ഡിണ്ടിഗല് ദേശീയപാതയില് പുല്ലുപാറയ്ക്ക് സമീപം KSRTC ബസ് താഴ്ചയിലേക്ക് മറിഞ്ഞുണ്ടായ അപകടത്തില് നാല് പേർ മരിച്ചു. മാവേലിക്കര സ്വദേശികളായ അരുണ് ഹരി (55), രമ മോഹന് (40), സംഗീത് (45), ബിന്ദു (59) എന്നിവരാണ് മരിച്ചത്. പീരുമേടില് നിന്നും മുണ്ടക്കയത്ത് നിന്നും ഫയര് ഫോഴ്സ് സംഘം സ്ഥലത്തെത്തി പരിക്കേറ്റ നിരവധി പേരെ മുണ്ടക്കയം മെഡിക്കല് ട്രസ്റ്റ് ആശുപത്രിയിലും പാലാ മെഡിസിറ്റിയിലുമായി പ്രവേശിപ്പിച്ചു. ഗുരുതരമായി പരിക്കേറ്റവരെ കോട്ടയം മെഡിക്കല് കോളേജ് ആശുപത്രിയിലേക്കും മാറ്റി. മാവേലിക്കരയില് നിന്ന് തഞ്ചാവൂരിലേക്ക് വിനോദയാത്ര പോയ സംഘം സഞ്ചരിച്ച ബസ്സാണ് അപകടത്തില് പെട്ടത്. തിങ്കളാഴ്ച രാവിലെ 6.15 നു മാവേലിക്കര ഡിപ്പോയിൽ നിന്ന് തിരികെ വരുമ്പോഴാണ് അപകടം നടന്നത്. 34 യാത്രക്കാരും രണ്ട് ഡ്രൈവർമാരും ഒരു കണ്ടക്ടറും ബസ്സിലുണ്ടായിരുന്നു. ബസ്സിൻ്റെ ബ്രേക്ക് നഷ്ടപ്പെട്ടതാണ് അപകടകാരണമെന്ന് യാത്രക്കാര് പറഞ്ഞു.
Check latest article from this author !
വനിതാ സംവരണബിൽ ലോകസഭയിൽ പരാജയപ്പെട്ടു
April 17, 2026
