മൂന്നാം തവണയും ഭരണം നേടാനായി എല്ഡിഎഫും 10 വർഷങ്ങൾക്കു ശേഷം അധികാരക്കസേരയില് എത്താന് യുഡിഎഫും പരിശ്രമിക്കുന്ന തെരഞ്ഞെടുപ്പാണിത്. അക്കൗണ്ട് തുറക്കുക എന്ന ലക്ഷ്യവുമായി എന്ഡിഎയെയും രംഗത്തുണ്ട്. കേരളത്തിലെ 17-ാം നിയമസഭാ തെരഞ്ഞെടുപ്പിനുള്ള വോട്ടിംഗിൽ 140 മണ്ഡലങ്ങളിലായി 882 സ്ഥാനാര്ത്ഥികളാണ് ജനവിധി തേടുന്നത്.
ഉച്ചയ്ക്ക് 12 മണി വരെ 40 ശതമാനത്തിനും മുകളിലാണ് പോളിങ് രേഖപ്പെടുത്തിയിരിക്കുന്നത്. തെരഞ്ഞെടുപ്പ് കമ്മീഷന് പ്രസിദ്ധീകരിച്ച അവസാന വോട്ടര് പട്ടിക പ്രകാരം കേരളത്തിലെ ആകെ വോട്ടര്മാരുടെ എണ്ണം 2,71,42,952 ആണ്. ഇതില് 1,32,20,811 പേര് പുരുഷന്മാരും 1,39,21,868 പേര് സ്ത്രീകളുമാണ്. 273 പേര് ട്രാൻസ് ജെൻഡർ വ്യക്തികളുമാണ്.
വോട്ടര്മാര്ക്ക് നന്ദി പറഞ്ഞ് മുഖ്യമന്ത്രി പിണറായി വിജയന്. കഠിനമായ വേനല്ച്ചൂടിനെപ്പോലും അവഗണിച്ച് പ്രവര്ത്തിച്ച രാഷ്ട്രീയ പ്രവര്ത്തകരുടെ ആവേശം എടുത്തുപറയേണ്ടതാണെന്നും പ്രതികൂല കാലാവസ്ഥയെ വകവെക്കാതെ പോളിങ് ബൂത്തുകളിലെത്തിയ ജനങ്ങള്, നാടിനോടുള്ള ഉന്നതമായ പ്രതിബദ്ധതയുടെയും കേരളത്തിൻ്റെ ഉയര്ന്ന ജനാധിപത്യ ബോധത്തിൻ്റെയും നേര്ക്കാഴ്ചയാണ് നല്കിയതെന്നും മുഖ്യമന്ത്രി പറഞ്ഞു.
