രാഷ്ട്രീയ-സിനിമാ മേഖലയിലടക്കമുള്ള പ്രമുഖര്‍ മുഖ്യമന്ത്രി പിണറായി വിജയന് പിറന്നാള്‍ ആശംസകള്‍ നേര്‍ന്നു. പ്രധാനമന്ത്രി നരേന്ദ്ര മോദി, കേന്ദ്ര ഉപരിതല ഗതാഗത വകുപ്പ് മന്ത്രി നിതിന്‍ ഗഡ്കരി, ലോക്‌സഭാ സ്പീക്കര്‍ ഓം ബിര്‍ള, തമിഴ്‌നാട് മുഖ്യമന്ത്രി എം.കെ.സ്റ്റാലിന്‍, കേരള ഗവര്‍ണര്‍ രാജേന്ദ്ര ആര്‍ലേക്കര്‍ തുടങ്ങിയവര്‍ 80-ാം പിറന്നാളിന്റെ നിറവില്‍ നില്‍ക്കുന്ന മുഖ്യമന്ത്രിക്ക് ആശംസകള്‍ നേര്‍ന്നു.
മുഖ്യമന്ത്രിയുടെ വസതിയിലെത്തിയാണ് ഗവര്‍ണര്‍ ആശംസകള്‍ നേര്‍ന്നത്. ചലച്ചിത്ര നടന്മാരായ മമ്മൂട്ടി, മോഹന്‍ലാല്‍, കമല്‍ഹാസന്‍, എന്നിവരും ജന്മദിനാശംസകള്‍ നേര്‍ന്നു. എക്‌സിലൂടെയായിരുന്നു പ്രധാനമന്ത്രിയുടെ ആശംസ. മുഖ്യമന്ത്രി പ്രധാനമന്ത്രിക്കടക്കം നന്ദിയും അറിയിച്ചു.
