കർണാടകയിലെ വിവിധ ഭാഗങ്ങളിൽ ജോയ്‌ ആലുക്കാസ്‌ ഫൗണ്ടേഷൻ, ‘ജോയ് ഹോംസ്’ പദ്ധതിയിലൂടെ 50 വീടുകൾ കൈമാറി

കർണാടകയിലെ വിവിധ ഭാഗങ്ങളിലെ അർഹരായ കുടുംബങ്ങൾക്ക് ജോയ്‌ ആലുക്കാസ്‌ ഫൗണ്ടേഷൻ ‘ജോയ് ഹോംസ്’ പദ്ധതിയുടെ ഭാഗമായി നിർമ്മിച്ച 50 വീടുകൾ കൈമാറി. ബെംഗളൂരുവിലെ നിംഹാൻസ് കൺവെൻഷൻ സെൻ്ററിൽ വച്ച് നടന്ന ചടങ്ങിൽ മുഖ്യാതിഥിയായ കർണാടക ആഭ്യന്തര മന്ത്രി ജി പരമേശ്വര താക്കോൽ ദാനം നിർവഹിച്ചു. ചടങ്ങിൽ ജോയ്‌ ആലുക്കാസ്‌ ഗ്രൂപ്പിൻ്റെ ചെയർമാൻ ഡോ. ജോയ് ആലുക്കാസ്‌ അധ്യക്ഷത വഹിച്ചു. ‘ജോയ് ഹോംസ്’ പദ്ധതിയുടെ പ്രധാന ലക്ഷ്യം സാമൂഹികവും സാമ്പത്തികവുമായി പിന്നാക്കം നിൽക്കുന്ന കുടുംബങ്ങൾക്കായി സുരക്ഷിതവും സ്ഥിരവാസയോഗ്യവുമായ ഭവനങ്ങൾ നിർമ്മിച്ച് കൈമാറുക എന്നതാണ്.