ഐപിഎല്ലില് മുംബൈ ഇന്ത്യന്സിന് തുടര്ച്ചയായ മൂന്നാം തോല്വി. ഇന്ന് റോയല് ചലഞ്ചേഴ്സ് ബെംഗളൂരുവിനെതിരെ 18 റണ്സിൻ്റെ തോല്വിയാണ് മുംബൈ നേരിട്ടത്. മുംബൈ, വാംഖഡെ സ്റ്റേഡിയത്തില് ടോസ് നഷ്ടപ്പെട്ട് ബാറ്റിംഗിനെത്തിയ ആര്സിബി നാല് വിക്കറ്റ് നഷ്ടത്തില് 240 റണ്സാണ് നേടിയത്. ഫില് സാള്ട്ട് (36 പന്തില് 78), രജത് പടിധാര് (20 പന്തില് 53), വിരാട് കോലി (38 പന്തില് 50) എന്നിവരുടെ ഇന്നിംഗ്സുകളാണ് ആര്സിബിയെ മികച്ച സ്കോറിലേക്ക് നയിച്ചത്. മറുപടി ബാറ്റിംഗില് മുംബൈക്ക് അഞ്ച് വിക്കറ്റ് നഷ്ടത്തില് 222 റണ്സെടുക്കാനാണ് സാധിച്ചത്.
31 പന്തില് പുറത്താവാതെ 71 റണ്സ് നേടിയ ഷെഫാനെ റുതര്ഫോര്ഡാണ് മുംബൈയുടെ ടോപ് സ്കോറര്. 22 പന്തില് 40 റണ്സെടുത്ത ഹാര്ദിക് പാണ്ഡ്യയും മികച്ച പ്രകടനം പുറത്തെടുത്തു.
