റഷ്യയില് നിന്ന് ഇന്ത്യന് എണ്ണസംസ്കരണക്കമ്പനികള് എണ്ണ വാങ്ങുന്നത് തുടരുമെന്ന് ഇന്ത്യ. ഇന്ത്യന് പൊതുമേഖലാകമ്പനികള് റഷ്യയില് നിന്നുള്ള എണ്ണ വാങ്ങുന്നത് നിര്ത്തിവെച്ചത് നല്ല ചുവടുവെപ്പാണെന്ന യുഎസ് പ്രസിഡന്റ് ഡൊണാള്ഡ് ട്രംപിന്റെ പ്രസ്താവന വന്നതിനു പിന്നാലെയാണ് ഇന്ത്യയുടെ പ്രതികരണം.
റഷ്യന് എണ്ണ ഇന്ത്യന് കമ്പനികള് വാങ്ങുന്നതു തുടരും. തീരുമാനങ്ങള് അസംസ്കൃത എണ്ണയുടെ വിലയെയും ക്രൂഡിന്റെ ഗ്രേഡിനെയും അടിസ്ഥാനമാക്കിയുള്ളതാണ്. ചരക്കുനീക്കത്തിനുള്ള ചെലവ്, ശേഖരം, സാമ്പത്തിക ഘടകങ്ങള് എന്നിവയും നിര്ണായകമാണെന്ന് സര്ക്കാര്വൃത്തങ്ങളെ ഉദ്ധരിച്ച് എഎന്ഐ വാര്ത്താ ഏജന്സി റിപ്പോര്ട്ടു ചെയ്തു.
