കര്ണാടകയില് ബുള്ഡോസര് രാജിന് ഇരയായവരെ സന്ദര്ശിച്ചതിന് ശേഷം കന്നഡ മാധ്യമത്തിന് നല്കിയ വീഡിയോയ്ക്കെതിരായ സൈബര് ആക്രമണത്തില് പ്രതികരിച്ച് ഡിവൈഎഫ്ഐ അഖിലേന്ത്യാ പ്രസിഡണ്ട് എഎ റഹീം എംപി. മനുഷ്യരുടെ സങ്കടങ്ങള്ക്ക് ഒരു ഭാഷയേ ഉള്ളുവെന്നും തനിക്ക് ഭാഷാപരമായ പരിമിതികളുണ്ടെന്നും റഹീം ഫേസ്ബുക്കില് കുറിച്ചു.
ആ യാത്രയെക്കുറിച്ച് എപ്പോഴും അഭിമാനമേയുള്ളുവെന്നും റഹീം പറഞ്ഞു. കന്നഡ മാധ്യമത്തിന് ഇംഗ്ലീഷിലായിരുന്നു റഹീം പ്രതികരണം നല്കിയത്. എന്നാല് ഇതിലെ റഹീമിൻ്റെ ഭാഷയെക്കുറിച്ച് വലിയ രീതിയിലുള്ള ട്രോളുകള് സമൂഹമാധ്യമങ്ങളില് വന്നിരുന്നു. ഇതിനെതിരെയാണ് റഹീം മറുപടിയുമായി രംഗത്തെത്തിയത്.
