സ്വർണ്ണ വിലയിൽ വൻ വർദ്ധന; പവന്‍റെ വില 77,000ത്തിലേയ്ക്ക്

സംസ്ഥാനത്ത് സ്വർണ്ണ വിലയിൽ വൻ വർദ്ധന. ശനിയാഴ്‌ച പവൻ്റെ വില 1,200 രൂപ കൂടി 76,960 രൂപയായി. ഗ്രാമിനാകട്ടെ 9,620 രൂപയുമായി. കഴിഞ്ഞ ദിവസം 75,760 രൂപയായിരുന്നു പവൻ്റെ വില. 8 ദിവസത്തിനിടെ മാത്രം 3,320 രൂപയാണ് വർദ്ധിച്ചത്. രൂപയുടെ മൂല്യത്തിലുണ്ടായ തകർച്ചയും ആഗോള വിപണിയിലെ വില വർദ്ധനവുമാണ് കുതിപ്പിന് പിന്നിൽ. അന്തർദേശീയ വിപണിയിൽ സ്പോട് ഗോൾഡ് വില ട്രോയ് ഔൺസിന് 3,447 ഡോളർ നിലവാരത്തിലാണ്.