ഗ്ലാസ്‌ഗോയിൽ നടന്ന 2026 കോമൺവെൽത്ത് ഗെയിംസിന് വർണാഭമായ സമാപനം. 13 സ്വർണം, 17 വെള്ളി, 9 വെങ്കലം ഉൾപ്പെടെ ആകെ 39 മെഡലുകൾ സ്വന്തമാക്കിയ ഇന്ത്യ മെഡൽ പട്ടികയിൽ നാലാം സ്ഥാനത്താണ് ഫിനിഷ് ചെയ്തത്.
171 മെഡലുകളുമായി ഓസ്‌ട്രേലിയ ഒന്നാം സ്ഥാനവും, 110 മെഡലുകളുമായി ഇംഗ്ലണ്ട് രണ്ടാം സ്ഥാനവും, 62 മെഡലുകളുമായി കാനഡ മൂന്നാം സ്ഥാനവും നേടി. ഇന്ത്യയുടെ പതാക സമാപനച്ചടങ്ങിൽ സ്വർണമെഡൽ ജേതാവായ ബോക്സർ ജാസ്മിൻ ലംബോറിയയാണ് വഹിച്ചത്.
സമാപനച്ചടങ്ങിൽ അടുത്ത കോമൺവെൽത്ത് ഗെയിംസിൻ്റെ ബാറ്റൺ ഇന്ത്യയ്ക്ക് കൈമാറി. 2030-ൽ ഗുജറാത്തിലെ അഹമ്മദാബാദാണ് കോമൺവെൽത്ത് ഗെയിംസിന് വേദിയാകുന്നത്. കോമൺവെൽത്ത് ഗെയിംസിൻ്റെ നൂറാം വാർഷിക പതിപ്പിനാണ് ഇന്ത്യ ആതിഥേയത്വം വഹിക്കുന്നത്. ഇന്ത്യയുടെ മികച്ച പ്രകടനവും ഭാവി ഒരുക്കങ്ങളും കായികലോകത്തിൻ്റെ ശ്രദ്ധ നേടിയിരിക്കുകയാണ്.
