നിര്‍ബന്ധിതമായി മാപ്പ് എഴുതി വാങ്ങിച്ചു; അന്‍സിബയുടെ പരാതിയില്‍ ഇന്ന് കേസ് എടുക്കും

നടി അൻസിബ ഹസന്റെ പരാതിയിൽ നടി ലക്ഷ്മിപ്രിയ, ഭർത്താവ് ജയേഷ്, വനിതാ സെൽ എസ്‌ഐ രേഷ്മ എന്നിവർക്ക് എതിരെ പോലീസ് ഇന്ന് എഫ്‌ഐആർ രജിസ്റ്റർ ചെയ്യാൻ സാധ്യത. തൃപ്പൂണിത്തുറ മജിസ്ട്രേറ്റ് കോടതിയുടെ നിർദേശത്തെ തുടർന്നാണ് നടപടി. വ്യാജപരാതിയുടെ മറവിൽ മാനസികമായി പീഡിപ്പിച്ചെന്നും, സ്റ്റേഷനിൽ നിയമവിരുദ്ധമായി തടഞ്ഞുവെച്ച് നിർബന്ധിച്ച് മാപ്പ് എഴുതിവാങ്ങിയെന്നുമാണ് അൻസിബയുടെ പരാതി. പോലീസിന്റെ മുൻ അന്വേഷണത്തിൽ പരാതിയിൽ കഴമ്പില്ലെന്ന റിപ്പോർട്ട് നൽകിയിരുന്നെങ്കിലും, അന്വേഷണം ശരിയായ ദിശയിലല്ലെന്ന് ചൂണ്ടിക്കാട്ടി അൻസിബ കോടതിയെ സമീപിച്ചതോടെയാണ് കേസെടുക്കാൻ കോടതി നിർദേശിച്ചത്.