വയനാട്ടിലെ തലപ്പുഴ ബോയ്സ് ടൗണിന് സമീപമുള്ള ഗെ്ളന് ലെവന് എസ്റ്റേറ്റിലാണ് തീപിടിത്തം ഉണ്ടായത്. അവിടുത്തെ ഓരേക്കര് സ്ഥലത്തുള്ള 300 തേയില ചെടികള് കത്തിനശിച്ചതായാണ് റിപ്പോര്ട്ട്.
മാനന്തവാടി ഫയര് സ്റ്റേഷനിലെ ഫയര്ഫോഴ്സിൻ്റെ രണ്ട് യൂണിറ്റുകള് സ്ഥലത്ത് എത്തി ഒരു മണിക്കൂറിലധികം സമയമെടുത്താണ് തീ അണച്ചത്. തോട്ടത്തില് ഉണങ്ങി നിന്ന അടിക്കാടുകള്ക്കിടയിലേക്ക്, വൈദ്യുതി ലൈനിലെ ഷോര്ട്ട് സര്ക്യൂട്ട് കാരണം തീപ്പൊരി വീണതാണ് അഗ്നിബാധയ്ക്ക് ഇടയാക്കിയതെന്ന് ഉദ്യോഗസ്ഥര് പറഞ്ഞു.
വെള്ളമെത്തിക്കാന് കഴിയാത്തയിടത്ത് അടിക്കാടുകള് അടക്കം നീക്കി തീ നിയന്ത്രണ വിധേയമാക്കുകയായിരുന്നു. മാനന്തവാടിക്കടുത്ത പിലാക്കാവ് കമ്പമല വനപ്രദേശത്ത് ഇക്കഴിഞ്ഞ 17ന് തീപിടിത്തമുണ്ടായിരുന്നു.
ഫോറസ്റ്റ് ഡിപ്പാര്ട്ട്മെൻ്റ് നടത്തിയ അന്വേഷണത്തില് ഇത് മനുഷ്യ നിര്മ്മിതമാണെന്ന് കണ്ടെത്തുകയും പ്രതിയായ യുവാവിനെ അറസ്റ്റ് ചെയ്യുകയും ചെയ്തിരുന്നു. ദിവസങ്ങള്ക്ക് ശേഷമാണ് തലപ്പുഴയിലെ തേയില എസ്റ്റേറ്റിലും തീപിടിച്ചത്.
