ബെംഗളൂരു നഗരത്തെ ബാധിക്കുന്ന അടിസ്ഥാന ജനകീയ പ്രശ്നങ്ങൾക്ക് ശാശ്വത പരിഹാരം ആവശ്യപ്പെട്ട് സിപിഐ(എം) ജൂലൈ 12-ന് ഫ്രീഡം പാർക്കിൽ ജനകീയ സമരം സംഘടിപ്പിക്കും. രാവിലെ 10 മണിക്കാണ് പ്രതിഷേധ പരിപാടി ആരംഭിക്കുക.
കുടിവെള്ള ക്ഷാമം, മാലിന്യ സംസ്കരണം, റോഡുകളിലെ കുഴികൾ, രൂക്ഷമായ ഗതാഗതക്കുരുക്ക്, അഴിമതി, ഭവന-ഭൂമിയുമായി ബന്ധപ്പെട്ട പ്രശ്നങ്ങൾ, ചേരിനിവാസികൾക്ക് ഭൂമിയുടെ ഉടമസ്ഥാവകാശ രേഖ (ടൈറ്റിൽ ഡീഡ്) നൽകുക തുടങ്ങിയ ആവശ്യങ്ങൾ ഉന്നയിച്ചാണ് സമരം.
നഗരത്തിലെ പൗരപ്രശ്നങ്ങളിൽ സർക്കാരും ബന്ധപ്പെട്ട ഏജൻസികളും അടിയന്തര ഇടപെടൽ നടത്തണമെന്ന് സിപിഐ(എം) ആവശ്യപ്പെട്ടു. വിവിധ മേഖലകളിൽ നിന്നുള്ള പ്രവർത്തകരും പൊതുജനങ്ങളും സമരത്തിൽ പങ്കെടുക്കുമെന്ന് സംഘാടകർ അറിയിച്ചു.
